Leave a comment

ከደቡብ ምዕራብ ኢትዮጵያ ህዝብ ህብረት(ደምኢህህ) በወቅታዊ ጉዳዮች ላይ የተሰጠ መግለጫ


38023561_282102385890705_1514103197361242112_nበደቡብ ምዕራብ ኢትዮጵያ ህዝብ ማለትም በታሪክ፣በባህል፣ በማህበራዊና ኤኮኖሚ እሴቶች ለዘመናት ተዛምደው የዘለቁ የቀድሞ የካፋ ክፍለ ሀገር ከዚያም የካፋ አስተዳደር አካባቢ በሚኖረው ህዝብ ላይ እየተፈፀመ ያለው አፈናና የመብት ረገጣ እንዲሁም የተፈጥሮ ሃብት ውድመትና ብዝበዛ በአስቸኳይ እንዲቆምና የመላው ህዝብ ጥያቄ ይመለስ ዘንድ ድርጅታችን የደቡብ ምዕራብ ኢትዮጵያ ህዝብ ህብረት (ደምኢህህ) ከዚህ የሚከተለውን መግለጫ ለማውጣት ተገዷል።

እንደሚታወቀውና በተደጋጋሚ ለመግለፅ እንደሞከርነው ከአፄዎቹ ሥርዓት ጀምሮ እጅግ አስከፊ ለሆነ የሰብዓዊና የዲሞክራሲያዊ መብት ጥሰትና ረገጣ ተጋልጦ የቆየው የቀድሞ የካፋ ክፍለ ሀገር ከዚያም የካፋ አስተዳደር አካባቢ ይተዳደር የነበረው ሕዝባችን ለዘመናት ሲንከባለል ዛሬ የደረሰው ዘርፈ ብዙ ችግር ወደ ባሰና አስፈሪ ወደ ሆነ ቀውስ በማምራት ላይ ይገኛል።

በርካታ ቁጥር ያላቸው ብሔር ብሔረሰቦች በውስጡ አቅፎ የያዘው ይህ የአገራችን ክፍለ ግዛት ለሃገሪቱ የኤኮኖሚ ጀርባ አጥንት የሆኑትን ለዓለም ካፋ-ማኪራ ያበረከተችውን ቡናን ጨምሮ ሻይ፣ ማር፣ ወርቅ፣ ቅመማ ቅመም እና ሌሎችንም የከርሰምድርና የደን ሃብት ባለቤት ስለመሆኑ የሚታወቅ ሃቅ ነው። ይሁንና በተለይም ላለፉት 27 ዓመታት ሃገሪቱን ሲያስተዳድር በነበረው ጨቋኝ አስተዳደር አካል ለጥቂት ግለሰቦችና ባለስልጣናት በቢሊዬን ደረጃ ገቢ የሚያስገኙትን ሃብት ለምሳሌ የቴፒ፣ የበበቃ ቡና፣ የጉመሮና የውሽውሽ ሻይ ተክል፣ የጎጀብ እርሻ ልማት በግፍ ተላልፎ መሰጠቱን በሰፈራ ሥም የመሬት ወረራ ሲካሄድ መቆየቱን በተለያዩ አጋጣሚዎች ለመግለጽ ሞክረናል።

እነዚህንና መሠል ሕዝብና አገር አፍራሽና ገዳይ የሆኑ ሥራዎች ሲሠራ የቆየው የአስተዳደር አካል በሠፊው ህዝብ መራር ትግል የተገረሰሰ ቢሆንም ከጅምሩ ተስፋ የተጣለበት ለውጥ መራሹ አካል ከቀድሞ በከፋ ሁኔታ አግላይና በማን አለብኝነት የተዛባ አመራር እየተመራ በመሆኑ፤ ይህ ታላቅ ህዝብ በሠላማዊነቱ ፈንታ በተቀነባበረና በመንግስት አካላት በታገዘ መሰደድና አለመረጋጋት፣ለትዕግስተኝነቱ ምላሽ ደግሞ የሃብት መዘረፍና የመንግሰት ትኩረት ተነፍጎት ይገኛል።
ለአብነት ያክል በሸካ ዞን ውስጥ ቴፒና አካባቢው በተፈጠረው ግጭት የተፈናቀሉ በርካታ ቁጥር ያላቸውን የአካባቢውን ዜጎች አስፈላጊውን ሁሉ በማድረግ በማረጋጋት ወደቀያቸው እንዲመለሱ ከማድረግ ይልቅ አሁን ሃገርቱን እመራለሁ የሚለው ኢ-ሚዛናዊ ስርዓት የፈረጠመውን የመከላከያ ጡንቻ በማሳየት ኮማንድ ፖስት በማቋቋምና ህዝቡን በማሸማቀቅ ላይ መገኘቱ በእጅጉን አሳፋሪና አሳዛኝ ድርጊት ሆኖ አግኝተነዋል። በተጨማሪም በቤንች ማጂ ለመብት ጥያቄ የወጡ ህፃናት ሳይቅሩ የጥይት ሰለባ የሆኑበት፤ የማጂ ህዝብ መብቱን በጠየቀ ለስቃይና ለስደት የሚዳረግበት፣ የጅማ ህዝብና ወጣት በቀዬው ባይተዋርና ሁለተኛ ዜጋ የሚሆንበት ጊዜ ልያበቃ ይገባል። ብሎም የየም ህዝብ ለዘመናት ከኖረበት ቀዬው ተገፍቶ እንዲሄድ የተደረገበት ሁኔታም ሳይፈታ ይሄው ዘልቋል።

በሌላ በኩል ከካፋ ዞን ዴቻ ወረዳ ተፈናቀሉ የተባሉትን ወደቄያቸው እንዲመለሱ በሚል ሳብያ ቁጥራቸው በውል የማይታውቅ አዳዲስ ሰፋሪዎች እንዲገቡ መደረጉ የፈደራሉም ሆነ የክልሉ መንግስት በእርግጥ ችግሮችን በመሰረታዊነት ለመፍታት ፍላጎት እንደሌለውና ብሎም ለአካባቢው ህዝብ ያለውን ንቀት አጉልቶ ያሳየ አሣፋሪ ድርጊት መሆኑን ተረድተናል።
የሰፈራ ዓላማው የህዝቦችን ህይውት መለወጥ ከሆነ በአካባቢው ያሉ መሬትና ስራ አጥ ወጣቶችን በማደራጀትና እገዛ በመስጠት የመሬት ባለቤት ማድረግ አይቻልም ነበርን? ህዝቦች ባሉበት፣ በለመዱነትና በስነልቦና በተሳሰሩበት ቀዬ ሆነው ህይውታቸውን የሚለውጡ የኤኮኖሚ አማራጮችን መፍጠርስ አይቻልም ነበርን?
በተለይ የፖለቲካና ዴሞግራፊ ለውጥ ለማድረግ ተብሎ በህዝቦች መካከል ኢ-ፍትሃዊና አድሎአዊ ድርጊቶችን እየፈፀሙ እንደ አገር አስተዳድራለሁ ማለት ዘለቄታ የለውም። ምክንያቱም ይህ ህዝብ በታሪኩ አገር መስርቶና አገር ሆኖ የሚያውቅም ነበርና።
በአጠቃላይ እነዚህንና ሌሎችንም በርካታ ችግሮችን እስከ ዛሬ ሰላማዊ በሆነ መንገድ ሲከታተልና ምላሽ ለማግኘት ሲጠባበቅ የኖረው ህዝብ ላይ እየደተደረገ ያለው መጠነ ሰፊ አስከፊ ድርጊት በአፋጣኝ እንዲቆም ድርጅታችን በመላው ህዝባችን ስም በጥብቅ ያሳስባል።

በሌላ በኩል ደግሞ ባሁኑ አወቃቀር ያለው የደቡብ ክልል መሪዎች ሁሉንም እኩል መምራት የማይችሉና ፍላጎትም የሌላቸው መሆናቸውን በተግባር በአደባባይ እያሳዮ የሚገኙ መሆኑ ለቀድሞ ካፋ ክ/ሀገር ሕዝብ ብሎም ለመላው የኢትዮጵያ ሕዝብ ግልጽ ነው:: ስለሆነም የመጪው ምርጫ ከመታሰቡ በፊት የጋራ ተቋማትን መገንባትና ህዝባችንን በጋራ አጀንዳ ላይ አስተሳስሮ ከመሄድ ጎን ለጎን የደቡብ ምዕራብ ህዝብ የክልል መዋቅር ጥያቄ በአፋጣኝ ሊፈታ ይገባል። ይህ ጥያቄ ከምክንያታዊም በላይ ነውና ለሕዝቡ ጥያቄ መፍትሔ ማበጀት ለአገራችን መረጋጋትና ቀጣይነት ትልቅ መፍትሔ ይሆናል ብለን እናምናለን።
ሕዝባችንም የሥርዓት መሪና ፈጣሪ እራሰ መሆኑን እንደሚገነዘበው ሁሉ በአንድነት በመሆን ለዘመናት እየተንከባለሉ የመጡና ይባስ ብለው አሁን እየከፉ ያሉ ችግሮችን ለመቅረፍና እራሱን በራሱ የማስተዳደር መብቱን በእጁ ለመጨበጥ ከምን ግዜውም በላይ መታገል ይጠበቅበታል።

ሌላው የሲዳማን ክልል መሆን እያመቻቸ ያለው የደቡቡ መረን መንግስት ነኝ ባይ በደቡብ ምዕራብ አካባቢዎች ላይ ሰላምን ለማስፈንና ልማትን ለማፋጠን ምንም ዓይነት ዓላማና ፍላጎት የሌለው በመሆኑ ከአሁን በሗላ የዚህ አከባቢ ጉዳይ የማይመለከተው መሆኑን አውቆ እጁን እንዲያነሳና በፌደራልም ደረጃ አለሁኝ ሃገርቱን እየመራሁ ነኝ የሚለው መንግስት አድሎአዊ አሠራሩን በአፋጣኝ በማቆም እንደ ህዝብ ይህንን ታላቅ ህዝብ በማክበር ለአንዴና ለመጨረሻ የዘመናት የክልል ጥያቄያችንን ባጠረ ጊዜ እንዲመልስልንና ለሌሎችም መፍትሔ ለሚያሻቸው አንገብጋቢ ችግሮች ተገቢውን ምላሽ እንዲሰጥ እየጠየቅን ይህ ተግባራዊ ባይሆን የአከባቢው ሕዝብ የራሱን እርምጃ ለመውሰድ የሚገደድ መሆኑን እናሳውቃለን:: ድርጅታችንም የሕዝቡ ጥያቄ ሙሉ በሙሉ ምላሽ እስኪያገኝ ሁሉንም የትግል አማራጭ ለመጠቀም የሚገደድ መሆኑን እንገልፃለን::

በአጠቃላይ በአገሪቱ ደረጃ በመንግስት እየተካሄደ ነው የሚባለው የለውጥ እንቅስቃሴ የአንድና የሁለት ብሄሮች አገር ብቻ አስመስሎ እየቀረበና እየተካሄደ ያለ መሆኑ ፍንትው ብሎ የሚታይ ነውና፤ መንግስት የማያዝልቀውን የአንድና የሁለት የብሄር የበላይነትን መንገድ ትቶ ሁለንም ዜጎችና ህዝብ ያማከለ የለውጥ መንገድ ሳይረፍድና ከቁጥጥር ውጭ ከመሆኑ በፊት በአስቸኳይ እንዲከተል በጥብቅ እናሳስባለን:: ጥቂቶች ተሰባስበው በኢትዮጵያ ስም የሚቀራመቱን የቅርጫ ስጋ አይደለንምና።

እራስን በራስ የማስተዳደር እና የመሬትና የሃብት ባለቤትነታችን በህዝባችን የጋራ ትግል ይረጋገጣል።

ደምኢህህ

Advertisements
Leave a comment

”በአንድ ሃገር ሁለት አይነት ዜግነት! እንዱ ሲወጋ የሚወጣው ደም ነገር ግን ሌላኛ ሲወጋ የሚወጣው አቧራ ይመስል!”


በአንድ ሃገር ሁለት አይነት ዜግነት! እንዱ ሲወጋ የሚወጣው ደም ነገር ግን ሌላኛ ሲወጋ የሚወጣው አቧራ ይመስል!

በመጀመሪያ ይህ ፅሁፍ በሰፈራ ስለመጡት ኢትዮጵያዊ ወንድም እህቶቻችን በፍፁም እንዳልሆነ እንዲታወቅ እንፈልጋለን:: ኢትዮጵያዊ ይትም ሄዶ የመኖር የመሥራት መብት እንዲጠበቅለት ከሚሟገቱ ዝጎች አንዱ ነን:: ነገር ግን የዚህ ፅሁፍ ዓላማና ትኩረቱ የካፋ ዞን አስተዳዳሪዎችን ብቻ እንደሚመለከት በቅድሚያ ግልፅ እንዲሆንልን እንፈልጋለን::

ዛሬ ከካፋ ተፈናቅለዋል የተባሉት የካንባታ ተወላጅ ወንድም እህቶቻችን አቀባበል ተደርጎላቸው ወደ ዴቻ ወረዳ ተመልሰዋል::

ለእነዚህ ወንድም እህቶች መምጫ መንገድ ለማመቻቸት በካፋ ዞን አመራሮች ጥሪ መሰረት ካፋ ውስጥ ችግር እንዳለና አከባቢው የጦር አውድማ እንደሆነ ተደርጎ ልብ ውለድ ተፅፎ ቲያትር ተሰርቶ የመከላከያ ሃይል መጋበዝ ነበረበት:: የተጋበዘው የመከላከያ ሃይሉም አዲስ የክርስትና ስም ተሰጥቶት ኮማንድ ፖስት በመባል መግባት ነበረበት ገብቶም ሁኔታዎችን አመቻችቶ የተፈለገው እቅድ ተሳክቶ ዛሬ ዓይተናል::

የካፋ ልጅ መሬት አያስፈልገውም? የሚወለደው ልጅ የሚወርሰው ፎቅ የለውም ፋብርካ የለውም የባንክ አካውንት የለውም:: የካፋ ሕዝብ ለልጆቹ ማውረስ የሚችለው መሬቱን ብቻ ነው:: ያም መሬቱ በወረራ ተወስዶበታል:: የአከባቢው ወጣት እትብቱ በተቀበረበት ሃገር ሰርቶ እንዳይበላ መሬት እየተከለከለ ለምንድነው ቁጥሩ ለማይታወቅ ሰፋሪ መሬት እንደፈለገ የሚሰጠው? ነዋሪው ሕዝብ ባልመከረበት ባላወቀበት ሁኔታ ለምን ድራማ ይሰራበታል? ለመሆኑ ሲጀመር ስንት ሰፋሪ ነበር በሕጋዊ መንገድ የገባው? ስንት ሰፋሪ ነው ተባርሬአለሁ ብሎ የሄደው? አሁንስ ስንት ሰፋሪ ነው በአውቶቢስ ተጭኖ የመጣው? ይህ አካሄድ ኢትዮጵያዊን እርስ በእርሳቸው ተከባብረውና ተዋደው እንዳይኖሩ የሚደረግ ሴራ ነው:: አንዱ በአንዱ ላይ ጠላት እንዲሆን ታቅዶ የተሰራ እኩይ ተግባር ነው:: ሕዝቡ ቢያውቅ ቢመክርበት ሃላፊነትን ቢጋራ ለሁሉም ይበጅ ነበር::

ግን ለምን ይህን ሁሉ እቅድና ድርጊት ከሕዝብ መደበቅ አስፈለገ? ሲጀመር የካፋ ሕዝብ አላባረራቸውም:: ሲባረሩ የካፋ ሕዝብ አልቅሷል እነሆ ሲመለሱም ደስታውን እየገለፀ ነው:: ምንድነው በካፋ ሕዝብ ላይ እየተሰራ ያለው ሴራ? ካፋን የሚያስተዳድር ማነው? የዞኑ መሪዎች ለካፋ ሕዝብ ነው የቆሙት ወይስ በቁመናው ቸርችረው ሊሸጡት? የሕዝቡ መሪ ከሆኑ እና ለሕዝቡ ቆመናል ካሉ ለምን ሁሉን ነገር ከሕዝቡ ደብቀው በጨለማ ይፈፅማሉ? እወክላለሁ የሚሉትን ሕዝብ ለምን እንደ ሕፃን ያታልሉታል? እነዚህን ጥያቄዎች አመራሮቹ ሳይሆኑ የካፋ ሕዝብ ግልፅ በሆነ መንገድ መመለስ አለበት::

ቁጥሩ ያልታወቀ ሕዝብ ተባረረ ተብሎ ስንሰማ ቁጥሩ ያልታወቀ ሕዝብ ያለ አከባቢው ሕዝብ ዕውቅና እየገባ ነው:: የካፋ ወጣት የተወለደበትን መሬት እግዜር በደግነቱ የቸረውን ሃብት እንዳይጠቀም እየተደረገ ለምን ከሌላ ቦታ ለሚመጡት ትልቅ ባጀት ተመድቦ የሃገር መከላከያ ተገንብቶ ልዩ ጥቅምና ልዩ ጥበቃ ይደረግላቸዋል? የካንባታ ተወላጅ ኢትዮጵያዊ ሲሆን የከፋ ተወላጅ ዜግነት የለውም? የሚወክለውና የሚቆረቆርለት ተወካይ ወይም መንግሥት የለውም? የካፋ ሕዝብ ሆይ ይህንን ጥያቄ መልስ::

ሕዝቡን ንቀውና አንቅረው ተፍተው ሲያበቁ በጨለማ ያቀዱትን እቅድ ለቴለቪዥን መስኮት ውበት እንዲሆን በቀን ፀሃይ ምንም የማያቁትን ህፃናትን ሳይቀር ዛሬ ከየትምህርት ቤቱ እያስወጡ የመጣውን አውቶቢስ እንኳን ደህና መጣችሁ ብለው እያጨበጨቡ እንዲቀበሉ አድርገው ተሳለቁበት:: እንዲያጨበጭብ ታዞ የወጣው ህዝብ በአውቶቢሱ ውስጥ ዕቃ ይሁን ሰው ወይም ሌላ ነገር እንዳለ የሚያውቀው ነገር አልነበረም:: በማያውቁት ነገር ውጡና አጨብጭቡ ተባሉና አጨበጨቡ:: እንዴት ሰው ራሱን መልሶ ይንቃል ያንቋሽሻል? እነዚህ አመራሮች ሕዝቡን ሳይሆን የናቁት ያንቋሸሹት ራሳቸውን ነው:: የተናቀ ምን ጊዜም ቢሆን ያው የተናቀ አይደል::

እነዚህ አመራሮች በሸካ ዞን ቴፒ ላይ የሸካና የካፋ ሕዝብ ሲፈናቀል ቤት ንብረቱ ሲቃጠል በየሜዳው እንደ አይጥ ሲገደል የት ነበሩ? አንድም ቀን ተሳስተው እንኳ ስለ ሸካና ካፋ ሕዝብ ትንፍሽ ብለው አያውቁም:: ሌላው ቢቀር ሚድያ አማራ ከቴፒ ተባረረ እያለ በአከባቢው ያለውን ችግር ማጋለጥ ቢሞክርም እነዚህ የሕዝብ መሪ ነን የሚሉት ባንዳዎች የተባረረውም የተፈናቀለውም ቤቱ ንብረቱ የተቃጠለውም በየሜዳው የተገደለውም ሸካና ካፋ የመሆኑን እውነት እንኳ ደፍረው ሊናገሩ አንደበት አልነበራቸውም:: ፍላጎቱም ጭራሽ አልነበራቸውም::

ታዲያ ዛሬ ለምን ለካንባታ ተወላጆች ልዩ ትኩረት መስጠት ፈለጉ? ፍቅር ከቤት ይጀምራል የሚባለውን አባባል አልሰሙት ይሆን? ወይስ የካንባታ ተወላጅ ኢትዮጵያዊ የካፋና የሸካ ተወላጆች ዜግነት የሌለው ዕቃ ነው ማለት ነው? የሸካና የካፋ ተወላጆች በቴፒ ለአንድ ዓመት ሙሉ ከቤት ንብረታቸው ተፈናቅለው በረሃብና ቸነፈር ሲጠበሱ ሰዎች አይደሉም ማለት ነው? ቤት አጥተው በማትረባ ፒላስቲክ ድንኳን ሲጠለሉና መጠለያ አጥተው በየጫካውና ቋጥኙ በብርድ ውርጭ ፀሃይና ዝናብ ሲደበደቡ ሰዎች ሳይሆኑ አይጥ ናቸው ማለት ነው? የካምባታ ተወላጅ ሲገደል ሰው ሞተ ተብሎ ተለቀሰለት ሲወጋ ደሙ ፈሰሰ ተባለ:: ታዲያ ሸካና ካፋ ሲገደል ሰው አይደለም ማለት ነው? ሲወጋ የሚወጣው ደም ሳይሆን አቧራ ነው ማለት ነው?

አሁን እንደሚገባን ከሆነ ሰፋሪዎቹ እንዲወጡ የተደረገው ሆን ተብሎ በተቀነባበረ ሴራ ነው ማለት ነው:: ጥቂት ሰፋሪዎችን እንደተባረሩ አድርጎ በማስመሰል ድራማ ከሰሩ በሗላ መልሶ በብዙ ቁጥር በማስገባት የካፋን ለም መሬት ያለ ሕዝቡ እውቅናና ፈቃጅነት ማስወረር:: ስለዚህ የሰፋሪዎቹ ለብዙ ዓመታት ከነበሩበት እንዲባረሩ የዞኑ አመራሮች እጅ ያለበት ይመስላልና ሕዝቡም ይህንን በተገቢው መንገድ ማጣራትና ማፅዳት ይኖርበታል::

የነጭ ለባሽ ታሪክ ከአያቶቻችሁ ሰምታችሗል?

ምንሊክ የካፋን ንጉስ ካሸነፈ በሗላ የካፋ ቆራጥ ልጆች እስከ ምንሊክ ቤተመንግሥት በመግቦት የካፋን ንጉሥ ዘውድ ማንም ሳያውቅ መንጠቅ አድርገው የካፋን መንግሥት እንደገና ለማቆም ጉዞ ጀምረው ጊቤ አከባቢ ሲደርሱ ተያዙ:: ይህ ድፍረታቸው ያስደናገጣቸው ምንሊክ የካፋ ምድር ሁሉ በነጭ ለባሽ እንዲጥለቀለቅ አደረጉ:: ነጭ ለባሾቹም አንድ ካፋ እንኳ አንገቱን ቀና ካደረገ ለአከባቢው ተቆርቋሪነትን ካሳየ ሁለተኛ ቀና እንዳይል አድርገው እንደ እባብ ጭንቅላቱን ጨፍልቀው ያጠፉት ነበር:: ስለዚህ ካፋ በምንም መልኩ በፖለቲካ ሆነ በኤኮኖሚ በሃገሩ እንዳያንሰራራ ተደርጎ እስከ ዛሬ በጨለማ ውስጥ ተቀብሮ ይገኛል:: እስከ ቅርብ ጊዜ ድረስ ማለትም እስከ ደርግ ጊዜ እነዚህ ነጭ ለባሾችና የነጭ ለባሽ ልጆች ጠንክሮ መውጣት የሞከረውን ካፋ ባለበት ሁሉ እንዳይታይ አድርገው እንደሚያጠፉት ቤተሰባቻችን ሲያወሩ እየሰማን ነበር ያደግነው:: ታዲያ የአሁኖቹ አዲሱ ነጭ ለባሽ መሆናቸው ነው ወይ? እንግዲህ ማን ጉዳችንን ይንገረን? ተሸጥን እንደ ዕቃ ተለወጥን በገዛ ልጆቻችን::

ካፋ በምንም መልኩ ራሱን እንዳይችልና እንዳይከላከል እየተደረገ ነው:: ኢትዮጵያዊ ባለበት ሁሉ በልጆቹ ታግዞ የሚመጣውን ሁሉ ለመጋፈጥ እየተዘጋጀ ነው:: በሁሉም ቦታ ሰው ሌላው ቢቀር መሳሪያ ሳይቀር እየታጠቀ መሆኑ የአደባባይ ምስጢር ነው:: ካፋ አጋዥና አሳቢ ልጅ የሌለው ሕብረተሰብ እየሆነ ነው:: ካፋ ዱላ ቆርጦ እንኳ ራሱን እንዳይከላከል ዱላ አብቃይ ጫካው በሰፍሪና በእንቬስትመንት ስም ተመንጥሮ አልቋል:: ታዲያ ይህ ሕዝብ የት ይህድ? የት ይግባ? ለማን አቤት ይበል? ከሌላ ቢመጣ ሌላ ስለሆነ ነው ይባላል:: ነገር ግን ይህ ክህደትና ሸፍጥ የሚፈፀሚበት በገዛ ልጆቹ ነው:: የገዛ ልጆቹ አሳልፈው ሸጡት አዋረዱት በእግሩ እንዳይቆም ሰው እንዳይባል አደረጉት:: የገዛ ልጆቹ እንደ ሕፃን አታለሉት እንደ እቃ በጥቅም ቀየሩት አፌዙበት አላገጡበት አንቅረውም ተፉበት:: ገና በሕዝቡ ጭቅላት ላይ ቆሞ የሚሸናውን ክንደ ብርቱ መንግሥ ፈጥረው ወይም ፈልገው አምጥተው ማንገሳቸው የማይቀር ነው:: ጨው ለራስህ ስትል ጣፍጥ እንደተባለው ካፋ ሆይ ለራስህ ስትል ንቃ የራስህ ዕድል በራስህ ወስን:: ካለፈ በሗላ መቆጨትና ማልቀስ ትርጉም አይኖረውም::

ዲጎና
ካፋ ሚድያ kaffamedia

Leave a comment

ትላትን ሰኞ ዕለት ደምኢህህ በካፋ ዞን በቦንጋ ከተማ የድርጅቱ ሥራ አስፈፃሚዎችን መርጧል::


38023561_282102385890705_1514103197361242112_n

ትላትን ሰኞ ዕለት ደምኢህህ በካፋ ዞን በቦንጋ ከተማ የድርጅቱ ሥራ አስፈፃሚዎችን መርጧል::

ከዚህ በታች በዝርዝር እንደሚትመለከቱት የደምኢሕህን ፖለቲካዊ መዋቅር ወደ ታች ለማውረድ ሥራ አስፈጻሚው በተደጋጋሚ ከመከረበት በኋላ በካፋ ዞን የቦንጋ ከተማ መሠረታዊ ድርጅት አዋቅሯል። በተመሳሳይ በሁሉም ወረዳወች መሠረታዊ ድርጅት በመዋቀር ላይ የሚገኝ ሲሆን ወደ ቀበሌና ወደ እያንዳንዱ መንደር የሚወርድበት አሰራር በመዘርጋት ላይ ይገኛል:: ከዚህ በኋላ በተዘረጋው መስመርና መመሪያ መሠረት የአከባቢውን የፖለቲካ ሃይል አቅም ማጠናከሩና በሕዝቡ ለሕብ የሚሰራና የቆመ ታማኝ ድርጅት መፍጠር ይሆናል:: የተመራጮቹ ስም ዝርዝር እነሆ:-

1ኛ-አቶ አድማሱ አበበ -ሰብሳቢ
2ኛ-አቶ ማርቆስ ገ/ማርያም – ፀሐፊ
3ኛ-አቶ ቦጋለ ሀይሌ – የድርጅት ጉዳይ ሃላፊ
4ኛ-አቶ ሳምሶን ተካልኝ – የሕዝብ ግንኙነት ሃላፊ
5ኛ-አቶ አድማሱ ገብሬ – የፋይናንስ ሃላፊ
6ኛ-አቶ አየለ ሀይለማርያም – የኮሚቴው አባል
7ኛ-አቶ ታምሩ ወ/ሚካኤል – የኮሚቴው አባል
8ኛ-አቶ ግርማ መሸሻ – የኮሚቴው አባል ናቸው::

በሚቀጥሉት ሳምንታት ውስጥ በጊንቦና በዴቻ ወረዳዎች ተመሳሳይ ምርጫ ይካሄዳል:: እንዲሁም በቅርቡ በሁሉም ወረዳዎች ይዳረሳል::

በሌላ በኩል በቅርቡ በድርጅቱ ሊቀመንበር አቶ ባርናባስ እዘጋጅነት በቤንች ዞን በሚዛን ከተማ አጠቃላይ የሕዝብ ውይይት ይካሄዳል::
በግንቦት 6 በአዲስ አበባ አጠቃላይ የደቡብ ምዕራብ ሕዝብ ውይይት የሚደረግ ሲሆን በሃዋሳ ከተማ ለሚደረገው ውይይት ቀኑ ሲወሰን እናሳውቃለን:: በሸካና ማጂ ላይ የአከባቢው ፀጥታ ሁኔታ ሲፈቅድ በአስቸኳይ የሕዝብ ውይይቶች እንደሚደረጉ የሥራ አስፈፃሚ ኮሚቴው ገልጿል::

ያልተደራጀ ሕዝብ የሌሎች መጫዎቻ ነው!እንዲሁም የሃገር ሸክም ይሆናል::
ካፋ ሚድያ kaffamedia

Leave a comment

በካፋ ሕዝብ ማለትም በደቡብ ምዕራብ ኢትዮጵያ አከባቢ ሕዝብ ላይ እየተፈፀመ ያለው ደባ!!


በካፋ ሕዝብ ማለትም በደቡብ ምዕራብ ኢትዮጵያ አከባቢ ሕዝብ ላይ እየተፈፀመ ያለው ደባ

ሕዝቡን ለማፈን ቀና እንዳይል ራሱን በራሱ እንዳያስተዳድር የመሬቱና የሃብቱ ባሌቤት እንዳይሆን ሁሌም የበይ ተመልካች ሆኖ እንዲኖር ትልቅ የሴራ ድግስ የትዘጋጀለት ይመስላል::

ይህንንም ሴራ እውን ለማድረግ በደንብ ታስቦና ታቅዶ በቴያትር መልክ ቀርቦ የተሳካ ስራ እየተሰራ ይገኛል:: ይህ ሴራ እርምጃውን በደንብ ጠብቆ ከላይ ወደ ታች ድረስ ያለ ምንም እክል ወጤታማ እንዲሆን ዘንድ:-
1. የካፋን ሕዝብ ከካንባታ ለሰፈራ የመጡትን ወገኖች አባሯል በሚል ሰበብ የደቡብ ልሣን በሚባል ጋዜጣ ዘልፎ እርቃኑን ማስቀረትና ባልሰራው ስራና ባላጠፋው ጥፋት ሕዝቡን ወንጅሎ ሞራሉን መግደል
2. የተደራጀና የታጠቀ ሃይል እንዲያውም ፀረ ሰላም ሆኖ አንድ ጠጠር የሚወረውር ድርጅት ወይም ግለሰብ በሌለበት አከባቢ የመከላከያ ሰራዊት ጋብዞ በሕዝቡ ላይ ፍርሃት በመልቀቅና የመከላከያውን ጋጋታ በመጠቀም አስፈራርቶ የሕዝቡን ድምፅ ለማፈን በአከባቢው አለአስፈላጊ ኮማንድ ፖስት ማቋቋም:: የእውነት እንነጋገር ከተባለ ማነው ካፋ አከባቢ ሁከት ፈጣሪ? ካለኢህአዴግ በስተቀር እኛ እስከምናውቀው የታጠቀ ወይም የአከባቢውን ሰላም ለማደፍረስ የተደራጀ አካል እንደሌለ ግልፅ ነው:: በአከባቢው በተለይም በሸካ ዞን በቴፒ ከተማ ዘጠኝ ወር ያስቆጠረ ብጥብጥ መፈናቀልና ሞት እስካሁን ድረስ እልባት አላገኘም:: በዚህም ብጥብጥ አብዛኛዎቹ ሰለባ የሆኑት በዘራቸው አንድ የሆኑ አንድ ቋንቋ የሚናገሩ አንድ ዓይነት ባህል ያላቸው የአንድ እናትና አባት ልጆች የሆኑት የካፋና የሸኮ ብሔረሰቦች ናቸው:: እንዲሁም በቤንች ዞን በሸኮ ወረዳም ብጥብጥና የዘጎች መፈናቀል ተከስቷል:: ይህን ሁሉ ሁከትና ብጥብጥ ሊያቅድ ሊያስፈፅም ወይም ሊተገብር የሚችል ሃይል በአከባቢው ከኢህአደግ በስተቀር በጭራሽ የለም:: ግፈኛውም ተንኮለኛውም ሕዝብን ከሕዝብ የሚያፋጅ ሃይል ከኢህአዴግ በስተቀር ከየትም ሊመጣ አይችልም:: ራሱ ኢህአዴግ ብቻ ነው በአከባቢው ካድሬውንና የደህንነት ክፍሉን ተጠቅሞ እንዲህ ዓይነቱን የእርስ በእርስ ብጥብጥና ሁከት መፍጠር የሚችለው:: ሌላ ሃይል ካለ መንግሥት በይፋ ለሕዝቡ ማሳወቅ ግዴታው ነው:: ስለዚህ ለደረሰው ሞት መፈናቀልና የንብረት መውደም ሁሉ ከኢህአደግ ሌላ ተጠያቂ አካል ሊኖር አይችልም:: ኢህአዴግ ይህ ቁማሩ ትክክል እዳልሆነ ተገንዝቦ በአከባቢው ባሉት ባለስልጣናት ላይ መዝመት ሲግባው ኮማንድ ፖስት በማቋቋም በወታደርና በክላሽ ጋጋታ ሰላማዊዉን ሕዝብ ማስፈራራቱና ውዥንብር መፍጠሩ በፍፁም ተገቢ አይደለም:: በደቡብ ምዕራብ አከባቢ ከኢህአደዴግ በስተቀር የተደራጀ የሕዝብን ሰላም ማወክ የሚችል ድርጅት ወይም የታጠቀ ሃይል የለም::
3. የኮማንድ ፖስቱን መኖር ተጠቅሞ በሕዝብ አመኔታን እያገኙ የመጡትን ለሕዝብ ከሕዝቡ ጋር ተባብሮ ለመስራት እየተሯሯጡ ያሉትን የቦንጋ ከተማን ከንቲባና መሰሎቹን ቶሎ ከቦታቸው አስነስቶ ሕዝቡን ለባርነትና ለውድቀት ለመሸጥ ዝግጁየሆኑትን ለሆዳቸው ያደሩትን ግለሰቦች መሾም ናቸው::

እነዚህ ከላ የተጠቀሱት ሁሉ በትክክል ተተግብረው እውን ሆነዋል::

በነገራችን ላይ የቦንጋ ከተማ ነዋሪዎች እንደገለፁት ከንቲባው የተባረሩበት ምክንያት ከከተማው ሕዝብ ጎን መቆማቸው ከቦንጋ ዩንቨርሲቲ ተባብረው መስራታቸውና ዩንቨርሲቲው ባዘጋጀው ፕሮግራም ላይ ጥናታዊ ፅሁፍ ማቅረባቸው ከባንጋ ከተማ ጉርማሾ ጋር አብረው ተደጋግፈው በመስራታቸው እና ለተቃዋሚ የፖለቲካ ፓርቲ የስብሰባ አደራሽ በመፍቀዳቸው ነው::

እንደምታወቅው የቦንጋ ጉርማሾና የቦንጋ ዩንቨርሲቲ ለሃገራቸውና ለሕዝባቸው ካላቸው ትልቅ ክብርና ፍቅር ተነስተው መንግስት ለማድረግ ያልቻለውን እና ያልደፈረውን ድንቅ ስራ በመስራት ለአከባቢው ሕዝብ እድገትና ልማት ትልቅ የተስፍ ጮራ ሆነው በማገልገል ላይ ይገኛሉ: አሁን ግን ህዝቡ ጥንቃቄ መውሰድ የሚገባው ከከንቲባው ቀጥሎ ማን ሰለባ ይሆናል ነው? ስለዚህ ከዚህ በሗላ ክንዳቸውን በጉርማሾና በዩንቨርሲቲው መሰንዘራቸው የማይቀር ነው:: በተለይ የቦንጋ ዩንቨርሲቲ ምንም እንኳ ከተቋቋመ ገና አንድ ዓመት ቢሆንም ነባር ዩንቨርሲቲዎች በረዥም ዓመታት መስራት ያልቻሉትን ድንቅ የሆኑ ስራዎችን በመስራት የካፋ ሕዝብ ኩራት በመሆን እያግለገለ ነው:: እነዚህን ተቋማትንና ሰራተኞቻቸውን እንደ ዓይን ብሌናችን የመጠበቅና የማሳደግ ግዴታ የሁላችንም መሆን አለበት:: የአከባቢው ባለስልጣናት ስራቸው ሕዝባቸውን መሸጥና የግል ጥቅማቸንና ኪሳቸውን ማደለብ ነው:: አከባቢው ለሕዝቡ ተቆርቋሪና በእውቀት ተመስርቶ ሕዝቡን መምራት የሚችል አንድም መሪ በኢህአዴግ ድርጅት ውስጥ የለውም:: ያሉት ባለስልጣናት ለእርካሽ ክብርና ለሆዳቸው ያደሩ ለሕዝቡ ቅንጣት ታክል ስሜትና ተቆርቋሪነት የሌላቸው ሕዝባቸውን የሁሉ የበታች ሆኖ እንዲኖር ሕዝቡን ወደ ጨለማ የሚመሩ ናቸው::

በደቡብ ምዕራብ አከባቢ አንድ የታቀደ ሴራ እንዳለ ግልፅ ሆኖ እየታየ ነው:: መንግሥት እውነት ለእነዚህ አከባቢዎች ከልቡ የሚቆረቆር ከሆነ እርምጃው መሆን ያለበት በሦስቱም ዞን ያሉትን ለውጡን ያልተቀበሉትንና ለውጡን ለማደናቀፍ የሚያሴሩትን አስተዳዳሪዎችና ካድሬዎችን ጠራርጎ ሙሉ በሙሉ ማባረርና አከባቢውን ነፃ ማውጣት ነው:: ታዲያ ይህን የመሰለ ያፈጠጠ እውነት እያለ አከባቢውን የጦር ቀጠና ይመስል በኮማንድ ፖስት ሕዝቡን ማስፈራራት ምን የሚሉት ብልጣ ብልጥነት ነው?

መንግስት በተለይም የደቡብ መንግስት ሕዝቡን ከመጠን በላይ ንቋል:: የንቀቱም ብዛት በአከባቢው ምንም ሰው እንደሌለ በአከባቢው ፈላጭ ቆራጭ ሆኖ የአከባቢውን ተወላጅ ባንዳዎችን በመጠቀም በማን አለብኝነት እየፈነጨ ነው:: ለነገሩስ ምን ይደረግ:: ከሞኝ ደጆፍ ሞፈር ይቆረጣል ይሉ የለ:: የአከባቢው ሕዝብ ኢትዮጵያ ሃገሩን ከልቡ ስለሚወድ አረንጏዴ ቢጫ ቀዩን ባንዲራ ይዞ ኢትዮጵያ ኢትዮጵያ እያለ ልክ እብድ እንዳባረረው ወደ ላይና ታች መሮጥ እንጂ መች ለራሱ አወቀበት:: ራሱ ሳይጠነክር ሌላኛውን ለማጠንከር በከንቱ የሚባክን ሕዝብ ነው:: ኢትዮጵያ እንድትጠነክር ከፈለክ መጀመሪያ አንተ ራስህ መጠንከር አለብህ:: ያንተ ያለመጠንከርና ደካማ መሆን ሃገሪቱን ኢትዮጵያን ደካማና ዝልፍልፍ ያደርጋታል:: ኢትዮጵያ ጠንካራ ሃገር እንድትሆን አንተ መጀመሪያ ጠንክርህ በእግርህ ቁም:: ያኔ ለምትወዳት ሃገርህ የብረት ምሰሶ ሆነህ ትታደጋታለህ:: ምስጢሩ ይሄ ነው የደቡብ ምዕራብ ኢትዮጵያ ህዝብ በተለይም ካፋ ሸካ ቤንች ማጂ እወቅበት::

ካፋ ሚድያ kaffamedia

Leave a comment

የደቡብ ምዕራብ ኢትዮጵያ ህዝብ ሕብረት (ደምኢህሕ) ድርጅት በካፋ ዞን ቦንጋ ከተማ ሻተራሻ አዳራሽ ለካፋ ህዝብ ስለድርጅቱ አጠቃላይ ገለጻና ውይይት አደረጉ፣


የደቡብ ምዕራብ ኢትዮጵያ ህዝብ ሕብረት (ደምኢህሕ) ድርጅት በካፋ ዞን ቦንጋ ከተማ ሻተራሻ አዳራሽ ለካፋ ህዝብ ስለድርጅቱ አጠቃላይ ገለጻና ውይይት አደረጉ፣ በውይይቱ ላይ የተገኙት ተሳታፊዎችም በውይይቱ በጣም ደስተኛ መሆናቸውንና ድርጅቱም ለአካባቢው እጅግ አስፈላግ መሆኑንም ገልጸዋል::

38023561_282102385890705_1514103197361242112_n

 

Leave a comment

ቀጥታ መልዕክት ለካፋ ዞን አስተዳዳሪና ለአስተዳዳሪው ጀሌዎች በሙሉ::


ማንም ሰው በሰውነቱ ክቡር ነው፣ የሰውን ልጅ የማንጓጠጥም ሆነ የማሳነስ አላማም ሆነ ፍላጎትም የለንም፣ ምክንያቱም የሰው ልጅ ያጠፋል ደግሞ ይታረማል። ነገር ግን የሰው ልጅ እየተነገረው እና እየተመከረ መታረምና መስተካከል ካልቻለ ምን ማድረግ ይቻላል? በተለይም ስልጣንን ተገን በማድረግ በህዝብ ላይ እኩይ ተግባርን ሲፈጽሙና  ለዚህች ሃገር በቀናነት እየታገሉና እየሰሩ ባሉት ሰዎች ላይ በሚያደርጉት አላስፈላጊና ኢሰብዓዊ በሆነ ድርጊት ላይ ሲሰማሩ እያየን እንዲሁ በምክር ብቻ ልታለፍ የሚገባ ተግባር አይደለም::

ስለሆነም አሁን በስልጣን ላይ ያለኸው አመራር እያደረክ ያለውን ይህንን እኩይ ትግባር ባስቸኳይ በማቆም ለአካባቢው የሚሰሩትንና የሚቆረቆሩትን ወደ ቦታቸው በመመለስ እና እናንተም የካፋ ህዝብ እንደሚፈልገው መስራት ባለመቻላችሁ ህዝቡን በጭራሽ የማትወክሉና የማትመጥኑ በመሆናችሁ ስልጣናችሁን በገዛ ፍቃዳችሁ በመልቀቅ ለሚሰራ ትውልድ እንድታስረክቡ እንላለን።  እኛ የካፋ ተወላጆች ዱሮም ሆነ አሁንም የሚንፈልገው የማንም የፖለቲካ ድርጅት ማለትም እንደ ኢህአዴግ ያሉ ድርጅቶች መፈንጫ እና የትኛውንም የፖለቲካ ድርጅት መስርቶ ካፋን ህዝብ  እወክላለሁ ብሎ የካፋ ህዝብ ባንዳ ሆኖ የሚሽጥና የካፋን ህዝብ የተፈጥሮ ሃብት አሳልፎ ለዘራፊ ኢንቬስተሮች ነን ባዮች የሚሰጥሳይሆን የካፋህዝብ መብቱ ተከብሮ ሃብቱን ተጠቅሞ ራሱን በራሱ ማስተዳደር የሚያስችል ስርዓት እንዲኖረን ነው።

የካፋ ህዝብ ከንጉሱ ስርዓት ከታቶ ጋኪ ሻሬቾ ዘመን በኋላ እንደ ኢትዮጵያዊ ሆኖ ቢቀላቀልም በዚያን ጊዜ ከነበሩት የኢትዮጵያ ነገስታት ጀምሮ እስከ አሁኗ ዛሬዋ ላይ ድረስ ምንም ዓይነት ለውጥም ሆነ እድገት ሊያሳይ አልቻለም፣ ጭራሽም እንደ ኢትዮጵያዊ እንኳን ልቆጠር አልቻለም፣ ያሁን ይባስ ብሎ ጭራሽ ፍፁም ሰላማዊ በሆነ ህዝብ ላይ ወታደራዊ አዋጅ  አውጇል።  የሚገርመው  እና የሚያሳዝነው ነገር በዚህ ጉዳይ ላይ የካፋ ባለስልጣናት መተባበራቸውና ህዝቡን አሳልፈው እንደባንዳ መሸጣቸው ነው ። ለነገሩስ እነሱ ሲጀመር  ምን ጭንቅላት አላቸው:: ለሆዳቸውና ለወንበራቸው ይጭነቁ እንጂ።

ይህ ደግሞ የካፋ ህዝብ በሞራልና በልበሙሉነት ለመብቱና ለነፃነቱ በመታገልና ገዢው ፓርቲ ፍፁም አምባገነን እና የራሱን ስልጣን ብቻ ለማቆየት ስል ህዝባችንን እየረገጠ በመግዛት ላይ ያለ አመራር መሆኑን ስለተረዳ መንግስት ሆን ብሎ የህዝቡን መብት ለመርገጥና ህዝቡን ለማሸበር የህዝቡን ስነልቦና ለመቆጣጠር ያወጀው አዋጅ ነው። እስቲ የኢዮጵያ ህዝብ ይመስክር፣ የትኛው የካፋ ህዝብ ነው መሳሪያ ታጥቆ ህዝቡን ሲጎዳ የነበረው? የትኛው የካፋ ህዝብ ነው ባንክ ሲዘርፍ የነበረው? የትኛው የካፋ ህዝብ ነው አመፅ ሲያስነሳና የህዝቡን ንብረት ሲዘርፍ ሲያወድም የነበረው? ነው ወይስ ገና ለገና የካፋ ህዝብ በጋራ በመደራጀቱና ለመብቱ በመታገሉ ተፈርቶ ነው?

ገዢው አንባገንን መንግስት ሆይ በካፋ ህዝብ ላይ ወታደራዊ አዋጅ ከምታውጅ ለምን የካፋን ህዝብ እውነተኛ ስሜቱን ለመረዳት አትሞክርም፣ ለምንድነው የካፋ ህዝብ ጥያቄ ምንድነው ብለህ ለካፋ ህዝብ ለጥያቄያቸው መልስ ለመስጠት የፈራኸው? አሁንም ቢሆን የካፋ ህዝብ ጥያቄውን ከመጠየቅ ወደኋላ አይልም። የካፋን ህዝብ ጥያቄ ላለመመለስ ተብሎ በህዝቡ ላይ ወታደራዊ አዋጅ ማወጅ ፍፁም ፍትሃዊ አይደለም፣ የካፋ ህዝብ ዱሮም አሁንም ወደፊትም ፍፁም ሰላማዊ ህዝብ ነው። የካፋ ህዝብ ህገመንግስታዊና ዲሞክራሲያዊ በሆነ መልኩ ደጋግሞ ጥያቄውን እያቀረበ ነው፣ ለዚህ ጥያቄያቸው መንግስት ትክክለኛውን ምላሽ ሊሰጠው ይገባል እንላለን። የታወጀውን ወታደራዊ አዋጅም ከካፋ ህዝብ ላይ እንድያነሳልን እንጠይቃለን::

ኩሩና ጀግናው የካፋ ህዝብ ሆይ ምንም ያህል ሰው ወዳድና ሰው አክባሪቢ ንሆንም አሁን ግን በጋራና በመደራጀት በመነጋገር የሄንን እኩይ ስርዓት ልናስወግደው ይገባናል:: ህዝባችንንም ከዚህ ከተጋረጠበትና ሊያጠፉን ከመጡት ልንታደጋቸውና በጋራ በመሆን ልንጠብቃቸው ይገባናል።

የካፋ ጉርማሾ አሁን ከመቸውም ጊዜ በበለጠ በተረጋጋና በበሰለ አካሄድ ወደፊት ይምንሄድበት እና መብታችንን አስከብረን ክልላችንን ይምናስመልስበት ጊዜ ስለሆነ ባስቸኳይ እንድንወያይና በጋራ እንድንመካከር አደራ እላለሁ::

ፍትህና ሰላም ነፃነትና እድገት ለህዝባችን!!!

Leave a comment

የተለያዬ አጀንዳ እያመጣቹችሁ ህዝቡን እርስ በእርስ ለማቃረን ባትሞክሩ ይሻላችኋል!!!!


40137716_487150585093912_4294546006952902656_n_Fotorአማራ ብሄራዊ ንቅናቄ(አብን): 

አማራ ብሄራዊ ንቅናቄን እንደ ድርጅት አክብረዋለሁ ማንኛውም ማህበረሰብ በመሰለው መልክ መደራጀት ይችላል ለህዝቤ ይጠቅማል እስካለ ድረስ፣ ነገር ግን እያንዳንዱ ድርጅት ስቋቋም የራሱ የሆነ ዓላማና ራዕይ ያለው ነው፣ ስለሆነም እኔም ሆንኩ ለሎች ህዝቦች እንደሚያውቁት አብን የተቋቋመው ለአማራ ህዝብ መብት ብሎ ነው፣ ስለዚህ ዋነኛ ዓላማው የአማራን ህዝብ ማደራጀትና ለአማራ ህዝብ መብት መቆም ነው፣ ታዲያ ይህ ድረጅት በምን ዓይነት ህሳቤ ነው ድርጅቱን በቤንቺ ማጂ ዞንሚዛን ላይ ሊከፍት ያቀደው? ካፋ ሸካ ቤንችና ማጂ ማህበረሰቦች የራሳቸው አኗኗር ባህል ቋንቋ አላቸው። ይህ ማለት ግን ለሎች ማህበረሰቦች እዚህ ቦታ መምጣት አይችሉም ማለት አይደለም፣ የትኛውም ማህበረሰብ መምጣትና መኖር መስራት ይችላል፣ ነገር ግን መኖርም ሆነ መስራትም የምችለው እንደ አከባቢው ማሀበረሰብ ባህሉንና ወጉን ተከትሎ ከማህበረሰቡ ጋር ተዋህዶ መኖር ሲችል ብቻ ነው። ምክንያቱም እንደ ኢትዮጵያዊ በጋራ አብረን መኖር ስለምንችል ነው። ከዚያ ውጭ እንደ አክራሪ ብሔርተኛ የኔ ዘር ከሌላው ብሔር ይበልጣል እኔ ብቻ ነኝ የኢትዮጵያ ፈጣሪ ድርጅቴንም የትም መክፈት እችላለሁ የሚል ከሆነ በጭራሽ የተሳሳተ አካሄድ ስለሆነ ማሀበረሰቡ ልብ ሊለው ይገባል፣ ይህ ማለት ደግሞ አብን በዚህ አካባቢ ላይ ምንም አይነት ቢሮ የመክፈት ራዕይ ሊኖረው አይገባም ማለት ነው። ምክንያቱም እንደ ኢትዮጵያዊ ሳይሆን እንደ አማራ ቢቻ የተቋቋመ ድርጅት ስለሆነ።

ስለዚህ በካፋ በሸካ በቤንችና ማጂ አካባቢ የሚኖር ህዝብ በማንነቱ ኮርቶና በኢትዮጵያዊነቱ አምኖ የሚኖር ህዝብ ስለሆነ የተለያዬ አጀንዳ እያመጣቹችሁ ህዝቡን እርስ በእርስ ለማቃረን ባትሞክሩ ይሻላችኋል

%d bloggers like this: