andona tunemmo gaata shiichaa shuuneya bede mooyina’o koonjoo imaa shuuneebeeta!
kashee botoon geddachaa kiikki botoon qaawiyane iye no qaabbecho.
tukk tiyaa showa tuhimaa no xuupphemmo gaata, no achoon no garimmo gaata,qollaa no moogemmo gaata gutta daneyaane gaanneena’on koonjoo imi quyebon!
toopphiyee feederaalee taatoo mocere uumiyoon shuunee toommooch bi shuuraabeti goorooch,aagetee maccoo ta shuuna ii’i bi shuuneebeeti saatooch no guudooch shuuneebeeti mooyo oogichii ayinikkimmone.
eke guttaa keejjaa shalligibon! oochiyooba gujjee ministeereeno doono mallasichi kashee aabetoon naboo tuniyoona taatee shuunee kexina’o mixo boono bechoo arichehe? ebiyochi ripoortoyichiyee woyee showee shunooche tiitone? 365 qemi daggooch qeellaa aalleebeeti kubboon beeggimmona haanoo shuunee ariyaane no FM raadiyoonee aadoo,no televizhiinee gattoo,…dab. 1 qemi daggoochee ishiyona ikke saat bedaane goorooch becheeti mixon(cammon qoddii bechaa,matiibee bechaa qitii aalleti mixon) beeggimmona haanee shuuno ama getone? nuggishoo nooch mulloon imba!
becheena’on bechoo gaawe mooyone. baroyee baroyee dambee topphiyooch beeti showeena’och boyeemmi shuuraaroone. no guudoonaa d/sh/y/ woraafoonon ciinnimmona shiicha bedo bechoo aalli xaa’ooch bechoo tuneyaan beetaa beeton quyoone!
eke guudi beegot,kubbo ciitone. 40 hektaaroona daaggii giiti investereena’o 140 ye damba akkaashoo ufemmoomon ufetina’one! no kasho ciitone! no beemo duubetone! aalletonoone ciyetonoone!
no guudooch beeti goyee uumiyee beeroo,gumbechi kooree kexo,tseremuusinnee kerechina’o,qeejjee k/kexo, ubbee maccoo ta shuuna ii’i shuuraaro boyeemmi mooyone! doogen…doogen.
amoommo gaata taatee sheeroyee maach shuuraareebeeti kuxina’ote! ittoshich yeeye! gooroo katinoone!
POSTED BY : KUMILACHEW GEBREMESKEL AMBO
