Leave a comment

የከፋ ዞን ኣርሶ ኣደሮች ቅሬታ


በደቡብ ኢትዮጵያ ክልል፣ በከፋ ዞን፣ ኣርሶ ኣደሮች ያለፍላጎታችን ማዳበሪያ እንድንገዛ እየተገደድን ነው ኣሉ። ማዳበሪያ ኣንቀበልም ያሉ በርካታ ኣርሶ ኣደሮች ደግሞ ከሚደርስባቸው እስራትና ወከባ በመሸሽ በየጥሻው እየተንከራተቱ ነው ተብሏል።

Mosambik Landwirtschaft

የግብርና እና ገጠር ልማት መ/ቤት በበኩሉ ከእውነት የራቀ የሐሰት መረጃ ነው ሲል ኣስተባብሏል።

በደቡብ ኢትዮጵያ ብ/ክ/መንግስት፣ በከፋ ዞን በኣጠቃላይ እና በተለይም በቢጣ ወረዳ ኣርሶ ኣደሮች ያለፍላጎታቸው ዩሪያ እና ዳፕ የተባሉ የማዳበሪያ ዓይነቶችን እንዲገዙ እየተገደዱ ነው የሚሉት ኣንድ ስማቸው እንዲጠቀስ ያልፈቀዱ የአካቢው ኗሪ እንደሚሉት ማዳበሪያ ኣንቀበልም ያሉ በርካታ ኣርሶ ኣደሮች ከሚደርስባቸው ወከባና እስራት ለመሸሽ ሲሉ በየጥሻው ለመንከራተት እየተገዱ ነው።

ማዳበሪያው ደግሞ ዋጋው ከአቅማችን በላይ ከመሆኑም ባሻገር ከመሬታችን ጋር የሚስማማ ኣይደለም ሲሉም ኣማሯል።

Konso

በከፋ ዞን የቢጣ ወረዳ ግብርና እና ተፈጥሮ ሀብት መ/ቤት ኃላፊ የሆኑት ዶ/ር ዘሪሁን መንገሻ ግን የተባለው ሁሉ ከእውነት የራቀ የሀሰት መረጃ ነው ሲሉ ያስተባብላሉ። እንዲያውም ይላሉ ዶ/ር ዘሪሁን ማዳበሪያው ኣርሶ ኣደሩን ምርታማ ከማድረጉ የተነሳ በራሳቸው ጥያቄ ነው እየወሰዱ ያሉት።

ማዳበሪያው ከመሬቱ ጋር ኣለው ስለተባለው ችግር ከደቡብ ክልል ግብርና ጽ/ቤት የግብርና ኤክስቴንሺን ባለሙያው አቶ መስፍን እንዳለ ምናልባትም ችግሩ ከኣጠቃቀም ጉድለት ሊሆን እንደሚችል ነው የሚገምቱት።

ችግሩ አድማሱን ኣስፍቶ ከወረዳው ኣልፎ በዞን ደረጃ የሚታይ እስከሆነ ድረስ ምናልባት በክልል እና በኣገር ደረጃም ይኖር እንደሆን በሚል ወደ ፌደራሉ የግብርና ሚኒስቴርም ደውለን ነበር። ዶ/ር ዳኛቸው በየነ በግብርና ሚኒስቴር የግብርን ኤክስቴንሺን ዳይሬክቶሬት ዳይሬክተር ናቸው። እንደ ኣጠቃላይ ፖሊሲው በፍላጎት ላይ የተመሰረተ መሆኑን ጠቅሰው በኣንድ በተወሰነ ስፍራ የተከሰተ ችግር ካለ በክልሉ በኩል መጣራት ይኖርበታል የሚል እምነት ኣላቸው

Äthiopien Kaffee Farmer sortieren Kaffee Bohnen

በደቡብ ኢትዮጵያ ክልላዊ መንግስት ስር ከሚገኙት 21 ዞኖች ኣንዱ የሆነው የከፋ ዞን ከአፈሩ ለምነት በተጨማሪም ከፍተኛ መጠን ያለው የቡና ምርት የሚገኝበት በመሆኑ ጭምር ይታወቃል።

ባሳለፍነው የምርት ዓመት ብቻ፣ በመዓከላዊው የስታስቲክስ ኤጀንሲ መረጃዎች መሰረት፣ ከዞኑ 10,352 ቶን ቡና ለገበያ የቀረበ ሲሆን ይህም የክልሉን የቡና ምርት 10,3 በመቶ እና በኣገር ደረጃም የኢትዮጵያን ዓመታዊ የቡና ምርት 4,6 በመቶ መሆኑ ነው።

ጃፈር ዓሊ

ዓሪያም ተክሌ

AUDIOS AND VIDEOS ON THE TOPIC

የከፋ ዞን ኣርሶ ኣደሮች ቅሬታ

http://www.dw.de/popups/mediaplayer/contentId_17354688_mediaId_17355108

Posted By : Kumilachew Gebremeskel Ambo

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s