Leave a comment

ከሃገር ተረካቢ ወጣቶች


በደቡብ ምዕራብ ኢትዮጵያ ሕዝብ ላይ እየደረሠ ላለው የመብት አፈና እና ድርብ ጭቆና የዞኑ አመራሮች ተጠያቂዎች ናቸው!!!

የደቡብ ምዕራብ ኢትዮጵያ በቀድሞ ዘመናት በራሱ ንጉስና በራሱ ሠንደቅ ኣላማ በልዑላዊነት ይተዳደር የነበረው የካፋ መንግሥት በሗላ በከፋ ጠቅላይ ግዛት እና ክፍለ ሃገር የምታወቀው አከባቢ ከወረራና ጦርነት በኋላ በአንድት ኢትዮጵያ ጥላ ሥር መተዳደር ከጀመረ 121 ዓመት ብያስቆጥርም በነገስታቱ እና በመንግስታት የተዛባ እና ኢፍትሃዊ በሆነ አመራር የህዝቡ ማንነት ተዘንግቶ የልማት, ዕድገትና ስልጣኔ ተጠቃሚ ሣይሆን እድገቱ የኋሊዮሽ (ወደ ቁልቁል) በማዘቅዘቅ በአስከፊ ሁኔታ ውስጥ እንደምኖር አሁን ያለው አገዛዝም በቅጡ ይረዳዋል።

በዓለማችን ከነዳጅ ቀጥሎ ቁጥር አንድ (1) የኢኮኖሚ ዋልታ በመሆን ከፍተኛ ሚና የሚጫወተውን ቡና ለዓለም ያበረከተች ምድር በተፈጥሮ ሃብቷ ወደር የማይገኝላት ብትሆንም በተለይም ላለፉት ሃያ ሰባት ዓመታት የሃገሪቱ አንድ አካል መሆኗ እስኪዘነጋ በኋላቀርነት እና በድህነት አለንጋ በመገረፍ ህዝቦቿም ማንነታቸው ተደፍጥጦ ሰሚ ያጣ ድምፅ በማስተጋባት ላይ ይገኛል።

ተዘርዝሮ የመያበቃውን የመብት ጥያቄ በመመለስ ረገድ ሃገሪቱን በበላይነት የሚያስተዳድረው የወያኔ መንግስት “ጆሮ ዳባ ልበስ” በማለት በእንቢተኝነት በህዝቡ ሥቃይና ችግር የመደሠት ያክል ሥርዓትን መከተሉ እንዳለ ሆኖ ለዚህ ችግር መባባስና ለክልሉና ለፌዴራል መንግሥት የልብ ልብ የሰጡት ደግሞ ለግል ጥቅማቸው የቆሙ ለሆዳቸው ያደሩ የታሪክ ዝቃጭ የሆኑ የዞኑ አመራሮች ሚና የጎላ ሥለመሆኑ አከራካሪ ጉዳይ አይደለም።

ከጊዜ ወደ ጊዜ እየተባባሰ እና እየከፋ የመጣው ተድራራቢ በደልና ብሶት መቋጫ ያገኝ ዘንድ የአመራርነት ሚናቸውን የመወጣት ሞራልና አቅም የሌላቸው የዞኑ አመራሮች በራሣቸው ጥቅም ህዝቡን አሣልፈው መሸጣቸው እጅግ አሣዛኝ እና አሣፋሪ ድርጊት ነው። ለዚህም ማሣያው ሠሞኑን ከብሔራዊ የቡና ሙዚየም ጋር ተያይዞ የተፈጠረው ውዝግብ አንዱ ነው።

ስለሆነም እነዚህ ለሆዳቸው ያደሩ በህዝቡ ማንነት ላይ የሚደራደሩ ብሎም ህዝቡን የማይወክሉ አመራሮች ከተቀመጡበት ወንበር ተነስተው በምትካቸው ህዝባዊ ወገንተኝነት ያላቸው ለምሳሌ ያህል የቀድሞ የካፋ ዞን አስተዳዳሪ የነበሩ እንደ የተከበሩ አቶ በርሃኑ ኀይሌ ያሉ ኃይሎች ሌሎችም ከሸካ ቤንችና ማጂ አከባቢ ሥልጣኑን ይረከቡ ዘንድ መላው የአከባቢው ህዝብና ለእውነት የቆሙ ሁሉ በአንድነት ሆነው የሚታገሉበት ወሣኝ የታሪክ ምዕራፍ ላይ የደረስን ሥለሆነ ትግሉን ከውስጥ በማቀጣጠል ሂደቱ የሚጠይቃቸውን ማናቸውንም መስዕዋትነት በመክፈል የተነጠቀውን የህዝቡን መብት ጊዜ ሣንሰጥ እናስመልስ በማለት ጥሪያችንን እናስተላልፋለን።

የደቡብ ምዕራብ ኢትዮጵያ ወጣቶች
ካፋ ሚዲያ kaffamedia

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s