የደቡብ ምዕራብ ኢትዮጵያ ሕዝብ ሕብረት በዋሽንግተን ዲሲ (Washington DC) ያለውን ጥያቄ ያለውን ጥያቄ በጥቂቱ ፅፎ ለጠ/ሚ አብይ እጅ እንዲደርስ አድርጏል::

የደቡብ ምዕራብ ኢትዮጵያ ሕዝብ ሕብረት በዋሽንግተን ዲሲ (Washington DC) ያለውን ጥያቄ ለጠ/ሚ ዶ/ር አብይ በስፋት ለማቅርብ የማይቻል በመሆኑ ያለውን ጥያቄ በጥቂቱ ፅፎ ለጠ/ሚ አብይ እጅ እንዲደርስ አድርጏል:: በፅሁፉ የተጠቀሱትን ጥያቄዎች ከዚህ በታች እንደሚከተለው እንድታነቡትና እናንተም ጥያቄዎቹ ትኩረትና መልስ እንዲያገኙ የበኩላችሁን አስተዋፅኦ እንድታበረክቱ እንጠይቃለን::

​ኢህአዴግ​ ​ሃገሪቱን​ ​ከተረከበ​ ​ማግስት​ ​ማለትም​ ​ከ​1987 ​ዓ​ ​ም​ ​ጀምሮ​ 56​ቱ​ ​ብሔር ብሔረሰቦች​ ​በአንድ​ ​ክልልና​ ​በአንድ​ ​ፓርቲ​ ​ይደራጅ​ ​ተብሎ​ ​የካፋ አስተዳደር እንዲፈርስ​ ​ተደርጓል::
በወቅቱ​ ​መንግስት​ ​የወሰደው​ ​እርምጃ​ ​በጥናት​ ​ላይ​ ​ያልተመሰረተና​ ​ምክንያታዊ​ ​አልነበረም።​ ​በዚህም​ ​የተነሳ በህዝቡ​ ​ዘንድ​ ​በተፈጠረው​ ​ቅሬታና​ ​ይቀርብ​ ​የነበረው​ ​አቤቱታ​ ​ሠሚ​ ​ሣያገኝ​ ​እስከ​ ​ዛሬ​ ​ዘልቋል።
ከ​1300​ኪ​. ​ሜ​ ​በላይ​ ​እርቀት​ ​እየተጓዘ​ ​አስተዳደራዊ​ ​ስራዎችን​ ​የሚያከናውነው​ ​የአካባቢው​ ​ካድሬም​ ​ውሃ የሚቋጥር​ ​ትግል​ ​ባለማድረጉ​ ​በደቡብ​ ​ምዕራብ​ ​ኢትዮጵያ​ ​ህዝብ​ ​ላይ​ ​ለማመን​ ​የሚያሰቸግሩ​ ​በርካታ​ ​በደሎች ተፈጽመውበታል።​ ​ከእነዚህም​ ​መካከል

● በተደራጁ​ ​የህወሀት​ ​አመራሮችና​ ​ባለሃብቶች​ ​የመሬት​ ​ዝርፊያ​ ​ተካሂዷል​ ​፤

● በኢንቨስትመንት​ ​ሥም​ ​ለዓለም​ ​የሚበቃው​ ​ጥብቅ​ ​ደን​ ​ተጨፍጭፎ​ ​ወድሟል ተቃጥሏል፤ ዎታደራዊ መንግስት ደንን በመተካት ዘመቻ ህዝቡን አስተባብሮ ከጎጀብ ወንዝ ዳር፣ በጎጀብ ከተማ ያስተከለዉ የጥድና ፣ የባህር ዛፍ ደን ሳይቀር፣ ማንነታቸዉ ባልታወቀ ባለስልጣናት ትእዛዝ በሚል ሺፋን መሳርያ በያዙ ዎታደሮች ተከቦ ተጨፍጭፎ መዉደሙን ያየዉ የህዝብ የምመሰክረዉ ነዉ።

● የሰለጠነዉ ዓለም በጤና ላይ የሚያደርሰዉን ጉዳት በመገንዘብ የኬሚካል ማዳበሪያ አጠቃቀሙን አየቀነሰ በተፈጥሮ ማዳበሪያ እህል አምርቶ ከፍ ባለ ዋጋ ለገበያ በሚያቀርብበት ሰዓት ህዝባችን ያለፍላጎቱ ተገዶ ማዳበሪያ አንዲገዛ ተደርግዋል፣ ስለ አጠቃቀሙ ምንም የጥንቃቄ ትምህርት ያልተሰጠዉ ገበሬ የምጠጣዉ ዉሃ በኬሚካል እየተበከለ በብዙ በሽታ ላይ ወድቋል።

● ለሀገርና​ ​ለዜጎች​ ​ከፍተኛ​ ​ኤኮኖሚያዊ​ ​ጠቀሜታ​ ​የሚሰጡ​ ​ታላላቅ​ ​የልማት​ ​ድርጅቶች​ ​ማለትም በበቃ፣​ ​ቴፒ​ ​ቡና​ ​ተክልና​ ​የውሽውሽ​ ​ሻይ​ ​ልማት​ ​ለህወሃት​ ​ካድሬዎች​ ​እና​ ​ለገብረ አበሮቻቸው ያለአግባብ​ ​ተላልፈው​ ​እንዲሰጡ​ ​ተደርገዋል፤

● ከዚህም​ ​ሌላ​ ​ለአካባቢው​ ​የሚመደበው​ ​በጀት​ ​የህዝቡን​ ​ቁጥርና​ ​የአከባቢው​ን ተፈጥሮ​ ​ሃብት​ ​ለሃገር ኢኮኖሚ​ ​የሚያበረክተው​ ​አስተዋጽኦ​ ​ከግምት​ ​ያላስገባ​ ​በመሆኑ​ ​ምንም​ ​ዓይነት​ ​የመሰረተ​ ​ልማት ተጠቃሚ​ ​አይደለም፤

● የማህበራዊ​ ​አገልግሎት​ ​ሠጪ​ ​ተቋማትም​ ​የሉም በምያስችል ደረጃ ላይ​ ​በመሆናቸው​ ​ዛሬም​ ​በገጠር ያለች​ ​እናት​ ​በወሊድ​ ​ምክንያት​ ​ህይወቷን​ ​እያጣች​ ​ትገኛለች።

● አርሶ​ ​አደሩም ሆነ አጠቃለይ ሕዝቡም​ ​ቢሆን​ ​ከክልሉ​ ​እርቀት​ ​የተነሳ​ ​ይግባኝ​ ​የሚያሻቸው​ ​የፍትህ በደሎች​ ​ስያጋጥሙት​ ​ያንን​ ​ያክል​ል እርቀት​ ​ለመጓዝ​ ​ባለመቻሉ​ ​የሚጫንበትን​ ​የተዛባ​ ​ፍትህ​ ​ለመሸከም ተገዷል፤

● አካባቢው​ ​በኢኮኖሚ​ ​ጠቀሜታቸው​ ​እንደ​ ​ሃገር​ ​የላቀ​ ​ፋይዳ​ ​ያላቸው​ ​እንደ​ ​ቡና፣​ ​ማር፣​ ​ቅመማ​ ​ቅመም እንዲሁም​ ​የወርቅና​ ​ሌሎችም​ ​በርካታ​ ​ማዕድናትና​ ​ሃብት​ ​ምንጭ​ ​መሆኑ​ ​እየታወቀ​ ​የባቡር ትራንስፖርት ግንባታ​ ​አለመካሄዱ፤

● አካባቢው​ ​ከሕዝብ​ ​ቁጥር​ ​፣​ ​ከስፋቱ​ ​እና​ ​ብሎም​ ​ለእንዳስትሪ​ ​ግብዓትነት​ ​የሚያገለግሉ​ ​ጥሬ​ ​ግብዓቶች በገፍ​ ​የሚገኝበት​ ​ከመሆኑ​ ​አኳያ​ ​በሌሎች​ ​ከተሞች​ ​የኢንዳስትሪ​ ​ፓርኮች​ ​ግንባታ​ ​ሲካሄድ​ ​ይህ​ ​አካባቢ የዕድሉ​ ​ተጠቃሚ​ ​አለመሆኑ።

ክቡር​ ​ጠቅላይ​ ​ሚኒስተር​ ​ከላይ​ ​የተዘረዘሩ​ ​ችግሮች​ ​እነዚህ​ ​ብቻ​ ​አይደሉም፤ ምንአልባትም​ ​በቀጣዩ​ ​ጊዜ ድርጅታችን​ ​በእነዚህና​ ​በሌሎች​ ​ሃገራዊ​ ​አጀንዳዎች​ ​ላይ​ ​ለመወያየት​ ​እድሉን​ ​ሲያገኝ​ ​በጥልቀት​ ​እንደምንነጋገር እየገለጽን​ ​አሁን​ ​ግን​ ​ፈጣን​ ​ምላሽ​ ​የምንሻበት​ ​ጉዳይ​ ​የክልል​ ​ወይም የአካባቢያዊ አስተዳደር ጥያቄ​ ​ነው። ይህንን ስንል ጥያቄው ህጋዊ መጠየቂያ አግባብ መንገዶች እንዳሉትም እንገነዘባለን።

በእርግጥም​ ​የደቡብ​ ​ምዕራብ​ ​ኢትዮጵያ​ ​ህዝብ​ ​በአንድ​ ​ክልል​ ​ሥር​ ​መተዳደሩ​ ​የሚጠቅመውና በህልውናው​ ​ላይ​ ​ምንም​ ​ዓይነት​ ​ዓሉታዊ​ ​ችግር​ ​የማያስከትል​ ​ቢሆን​ ​ኖሮ​ ​ዛሬ​ ​ለዚህ​ ​ጥያቄ​ ​ባልበቃ​ ​ነበር።​ ​ይሁን እንጂ​ ​የህዝቡ​ ​ጥያቄ​ ​ዘርን​ ​ማዕከል​ ​ያላደረገና​ ​ያላፈነገጠ​ ​በመሆኑ​ ​ከ​1300 ​ኪ​.​ሜ​ ​በላይ​ ​እየተጓዘ​ ​በመተዳደሩ ካስከተለበት​ ​ዘርፈ​ ​ብዙ​ ​ጫናና​ ​ችግር​ ​አኳያ​ ​በፍጥነት​ ​ሚዛናዊ​ ​በሆነ​ ​እይታ​ ​ታይቶ​ ​ተገቢው​ ​ምላሽ​ ​እንዲሠጠው ይጠይቃል።​ ​በመሆኑም​ ​የተጠቀሰው​ ​አካባቢ​ ​በአንድ​ ​ክልል​ ​እንዲዋቀር​ ​መፈለጉ​ ​የህዝቦችን​ ​የጋራ​ ​ባህልና​ ​እሴት ከማጠናከሩም​ ​በላይ​ ​በጠንካራ​ ​ኤኮኖሚያዊ​ ​መሰረት​ ​ላይ​ ​የተገነባ​ ​ቀጠና​ ​እንዲሆን​ ​ያስችለዋል።

ይህ​ ​በእንዲህ​ ​እንዳለ​ ​በክልሉ​ ​በተለያዩ​ ​ቦታዎች​ ​እንዲህ​ ​ዓይነቱ​ ​ጥያቄ​ ​ብቅ​ ​ብቅ​ ​እያለ​ ​ባለበት​ ​ወቅት ላይ​ ​ይህንን​ ​ደብዳቤ​ ​ድርጅታችን​ ​ሲልክ​ ​ያለምክኒያት​ ​አይደለም​ “​እናቷ​ ​የሞተችባትና​ ​ወንዝ​ ​የወረደችባት​ ​ህፃን እኩል​ ​ያለቅሣሉ​“ ​እንዳይሆን​ ​ጥያቄያችን​ ​በጥንቃቄ​ ​እና​ ​ፍትሃዊ​ ​በሆነ​ ​መልኩ​ ​እንዲታይልን​ ​ለማሳሰብ​ ​ነው። የትኛውም​ ​አከባቢ​ ​ከራሱ​ ​ተጨባጭ​ ​ሁኔታ​ ​ተነስቶ​ ​የፈለገውን​ ​የመብት​ ​ጥያቄ​ ​ሊጠይቅ​ ​ይችላል።​ ​እውነት ለመናገር​ ​የደቡብ​ ​ምዕራብ​ ​ኢትዮጵያ​ ​የክልል​ ​ጥያቄ​ ​ግን​ ​የቅንጦት​ ​ወይም​ ​የአፈንጋጭነት​ ​ጉዳይ​ ​ባለመሆኑ​ ​ግዜ ሳይሰጠው​ ​እልባት​ ​ሊበጅለት​ ​ይገባል።

ስለሆነም​ ​እነዚህንና​ ​ሌሎችንም​ ​ስር​ ​የሰደዱና​ ​ምላሽ​ ​ያልተቸራቸው​ ​የመብት​ ​ጥያቄዎችን​ ​በማንሣት ታግሎ​ ​ለማታገል​ ​የተመሠረተው​ ​ድርጅታችን​ ​በየትኛውም​ ​አግባብ​ ​ለዚህ​ ​ጥያቄ​ ​ምላሽ​ ​ማግኘት​ ​ሁሉንም ሰላማዊ​ ​የትግል​ ​አማራጮች​ ​አሟጦ​ ​ከመጠቀም​ ​ወደኋላ​ ​የማይል​ ​መሆኑን​ ​እየገለጽን​ ​አሁን​ ​ለተጀመረው ብሔራዊ​ ​መግባባትና​ ​ሁለንተናዊ​ ​ትግል​ ​ሥኬታማነትና​ ​ብሎም​ ​ለበለፀገችና​ ​ለለማች​ ​ኢትዮጵያ​ ​እውን​ ​መሆን ከጎኖት​ ​መሆናችንን​ ​በድጋሚ​ ​ለማብሠር​ ​እንወዳለን።

ተስፋዬ ወልደሚካኤል ጊበነት
የደቡብ ምዕራብ ኢትዮጵያ ሕዝብ ህብረት
ሊቀመንበር
ካፋ ሚዲያ kaffamedia