ሰሚ ያጣው እና ባለቤት አልባው ህዝብ!!

By: Coffee Kaffa

መንግስት የማያቀው የደቡብ ምዕራብህዝብ!!
ቦንጋ፣ ሚዛን፣ ቴፒ….

– በዚህ ቀጠና እንደትላንቱ ሁሉ ዛሬም፤ በፈጣሪ ዘንድ ክብር ያላት ነብስ ያለርህራሄ በግፍ የረገፈች ነው። በካፋ ዴቻ፣ በቴፒ፣ እና በሌሎችም።
– በሶስቱም ዞኖች ላይ ያሉ ከፍተኛ አመራሮች፤ ዛሬም እንደትላንቱ ከማያቀንእና ከማይወክለን ደኢህዴን ከሚባል ድርጅት ጋር መሞዳመዱን ቀጥለውበታል።

እነዚህን ሁሉ የህዝቡን ብሶት እና ለቅሶ ወደጎን በመተው፤ የክልሉም ሆነ የፌደራል መንግስት ተገቢውን መልስ ከመስጠት ይልቅ፤ ቸልታን መርጠው በቁጥር ደረጃ ብዙ ለሆኑ ህዝቦች ብቻ መቆማቸውን ባገኙት መድረክ ላይ ያሳዩን ነው።

ለዚህ ማሳያ ደግሞ ባሳለፍነው ሳምንት፤ ጠቅላይ ሚኒስተራችን በህዝብ ተወካዮች ም/ቤት ቀርበው ከሰጡት መግለጫዎች ይህን ማየት በቂ ነው።
” ‘የደቡብ ክልል’ ዞኖችን የክልል ጥያቄ መመለስ መፍትሔ አይሆንም። ሕገ መንግስታዊ ጥያቄ ቢሆንም መፍትሔ አይደለም። ስለሆነ የወሰንና የአስተዳደር ጉዳዮች ኮሚሽን በሚያቀርበው ጥናት መሰረት መልስ ያገኛል። በጥናቱ ኢትዮጵያ 20 ክልሎች ያስፈልጋታል ከተባለ በዚያ መልክ የሚታይ ይሆናል። ከዚህ ውጭ አሁን ባለው ተጨባጭ ሁኔታ ጥያቄ ላቀረቡ 10 ዞኖች መልስ መስጠት አይቻልም።”

በሌላ በኩል ደግሞ በዛሬው እለት የሰላም ሚኒስተሯ የሰጡትን መግለጫ እንይ፤ “ከህብረተሰቡ ጋር በተቀናጀ ተግባር 1 ሚሊየን 20 ሺህ ያህል ዜጎችን ወደ ቀያቸው መመለስ መቻሉን በእምባ የታጀበ መግለጫ ሰጥተዋል፡፡

አሁን ቁምነገሩ የተፈናቀሉ ዜጎች ወደ ቀያቸው ለምን ተመለሱ አይደለም። እሰይ እንኳን ተመለሱ ጥሩ ተግባር ነው።

ግን የመንግስት ረፓርት የሚቀርበው፤ በጎ ተግባሩን እና ለመመለስ የሚመቻቸውን ብቻ ነው? ይህማ እኮ ድሮ በህወሓት ዘመንም ነበር።

ሰላም በሌለባት አገር የሰላም ሚኒስትር ሆነው የተሾሙት ወይዘሮ ሙፈሪያት ካሚል የተቋማቸውን የ6 ወራት አፈፃፀም ሪፖርት ለህዝብ ተወካች ምክር ቤት ለውጭ ግንኙነትና የሰላም ጉዳዮች ቋሚ ኮሚቴ ዛሬ ስያቀርቡ ሶፍት ከእጃቸው አልተለየም ነበር፡፡

ስለዚህ ወገኔ ሆይ፤ ቦንጋ፣ ሚዛን፣ ቴፒ እና አካባቢዋ ያላችሁ፤ ለራሳችን ስንል ከትላንቱ በይበልጥ ልንደራጅ፣ ልንመካከር ይገባል።

Advertisements