1 Comment

ደቡብ ምዕራብን ኮማንድ ፖስቱ ተቆጣጥሮታል:: አብን ቢሮ በሚዛን ከተማ ከፍቷል::


Kaffamedia 23622481_136233960477549_6603229457377281274_n

ደቡብ ምዕራብን ኮማንድ ፖስቱ ተቆጣጥሮታል:: አብን ቢሮ በሚዛን ከተማ ከፍቷል::

ምነው ሁሉም የራሱን ማንም አይድረስብኝ ብሎ ሸሽጎና ሰሲቶ የግሉ ካደረገ በሗላ የሚስኪኑን የየዋሁን የካፋን የሸካን የቤንችንና የማጂን አከባቢ እንደ ሥጋ ቅርጫ ለመቀራመት የሚሯሯጠው?

የገረመኝ የመንግሥት በፀጥታ ስም ኮማንድ ፖስት እያለ የክርስትና ስም እየሰጠ ሰላማዊዉን አከባቢ የጦር ቀጠና ይመስል በወታደርና በክላሽ ጋጋታ ውዥምብር መፍጠሩ ነው::

ሲጀመር እስከምናውቀው በአከባቢው የታጠቀ ይሁን የተደራጀ ሃይል እንደሌለ ነው:: ጦርነት ለማወጅ ሆነ ውዥምብር ለመፍጠር ያለመ ወይም የተዘጋጀ ቡድን ሆነ ግለሰብ በአከባቢው እንደሌለ ግልፅ ነው:: እርግጥ ነው በሸካ ዞን በቴፒ ከተማ ዘጠኝ ወር ያስቆጠረ ውንብድና ሕዝብ አፈናቅሏል:: በቤንች ዞን ከሸኮ ወረዳ የሕዝብ መፈናቀል አለ:: ማጂ ላይ ውጥረት ሰፍኖ ይገኛል::

ይህ ሁሉ እየሆነ ያለው በታጠቀ ሃይል ወይም በአከባቢው ሰላምን ለማደፍረስ ከአከባቢው በተደራጁ ቡድኖች ወይም ግለሰብ አለመሆኑ ግልፅ ነው::

ይህ ሁሉ ውዥምብርና ሁካታ የተፈጠረው በራሱ በመንግሥት ደህንነት አካላትና ከአከባቢው በተሾሙ የካፋ ሸካ ቤንች ማጂ ዞን አስተዳደር ነን በሚሉት የሲዳማ ባለስልጣናት ተላላኪዎች ካልሆነ በስተቀር ማንም ሊያደርገው ሊሞክረውና ሊያስበውም አይችልም:: ተደራጅቶ የሚንቀሳቀስ አካል ካለ በግልፅ ይነገረንና እኛም እንወቅ::

የእነዚህ አከባቢዎች ሁከት በራሱ በመንግሥት ሴራ የተቀናጀ እንጂ በፍፁም በሌላ አካል ሊከወን እንደማይችል ሳይታለም የተፈታ ነው:: የአከባቢው ሕዝብ የዋህ ተንኮልን የማያውቅ ንፁህ ሁሉንም የሚወድና የሚያቅፍ ያለውን በሙሉ ለሌላ ሰጥቶ ባዶ እጁን የሚቀር ገራገር ሕዝብ ነው::

ታዲያ ለእንዲህ ዓይነቱ የዋህ ሕዝብ ኮማንድ ፖስትና የወታደር ጋጋታ ለምን አስፈለገ? ወይስ ዶሮን ሲያታልሏት በመጫኛ አሏት ነው ነገሩ? መንግሥት ነኝ ባዩ የሚፈልገውን በግልፅ ተናግሮ ቢለይለት ይሻል ነበር:: ዙሪያ ጥምጥም መሄድ ለምን አስፈለገ ? ምስኪን ማሰብ የማይችሉትን ወጣቶች በማደራጀት የክፋትን ሴራ የሚጠነስስ ከመንግሥት ወይም ከመንግሥት ካድሬና ደህንነት ክፍል ውጭ በዚያ አከባቢ ሁከት መፍጠር የሚችል ብቁ የሆነ አካል ሊኖር አይችልም የለምም:: ይሄ ለሁሉም ግልፅ እንዲሆን ያስፈልጋል::

በዚያ አከባቢ አንድ የታቀደ ሴራ እንዳለ ግልፅ ሆኖ እየታየ ነው:: መንግሥት እውነት ለእነዚህ አከባቢዎች ከልቡ የሚቆረቆር ቢሆን እንዲሁም ለኢትዮጵያ ሃገራችን አሳቢ ቢሆን ኖሮ ትልቁና ዋንኛው የችግሩ ፈዋሽ መድሃኒት መሆን የሚገባው በሦስቱም ዞን ያሉትን አስተዳዳሪዎችንና ካድሬዎችን ጠራርጎ ሙሉ በሙሉ ማባረርና አከባቢውን ከሲዳማ ባለስልጣናትና ተላላኪዎቻቸው ነፃ ማውጣት መሆን ነበረበት:: ታዲያ ይህን የመሰለ ያፈጠጠ እውነት እያለ አከባቢውን የጦር ቀጠና ማድረግ ምን የሚሉት ብልጣ ብልጥነት ነው?

ለነገሩስ ምን ይደረግ:: ከሞኝ ደጆፍ ሞፈር ይቆረጣል ይሉ የለ:: የአከባቢው ሕዝብ ኢትዮጵያ ሃገሩን ከልቡ ስለሚወድ አረንጏዴ ቢጫ ቀዩን ባንዲራ ይዞ ኢትዮጵያ ኢትዮጵያ እያለ ልክ እብድ እንዳባረረው ወደ ላይና ታች መሮጥ እንጂ መች ለራሱ አወቀበት:: ራሱ ሳይጠነክር ሌላኛውን ለማጠንከር በከንቱ የሚባክን ሕዝብ ነው:: ኢትዮጵያ እንድትጠነክር ከፈለክ መጀመሪያ አንተ ራስህ መጠንከር አለብህ:: ያንተ ያለመጠንከርና ደካማ መሆን ሃገሪቱን ኢትዮጵያን ደካና ዝልፍልፍ ያደርጋታል:: ኢትዮጵያ ጠንካራ ሃገር እንድትሆን አንተ መጀመሪያ ጠንክርህ በእግርህ ቁም:: ያኔ ለምትወዳት ሃገርህ የብረት ምሰሶ ሆነት ትታደጋታለህ:: ምስጢሩ ይሄ ነው ካፋ ሸካ ቤንች ማጂ እወቅበት::

አብን ሆይ ከኢህአዴግ; ከሲዳማ ባለስልጣናትና ከተላላኪዎቻቸው የተለኮሰ እሳት በደቡብ ምዕራብ አከባቢ እየነደደ ስለሆነ አብን ነኝ ብለህ መጥተህ እሳቱ ላይ ቤንዚን ከምታርከፈክፍ በጊዜ ውልቅ ብትል ለሁላችንም ይበጃል:: በአከባቢያችን በቂ የሚፋጅ እሳት አለ:: መቼም ሃገርህ ነውና የትም ተንቀሳቅሰህ መስራት እንዳለብህ ብናምንም ጊዜው አሁን አይደለም:: እሳቱን እንደተቆጣጠርን ብቅ ካልክ አንቀየምህም ውዱ አብን ሆይ:: ነገር ግን አንተ አማራን እወክላለሁ ብለህ ነው የተደራጀሄው:: ይህ አከባቢ የካፋ ክፍለሃገር እንጂ የአማራ ክልል አይደለም:: ታዲያ ሚዛን ምን ልትሰራ ነው የመጣሄው:: አማራ ነኝ ካልክ እዚያው በአማራ ክልልህ ጨፍር:: ይልቁንም ከእኛ ጋር ተዋልደው ተጋብተው ለሚኖሩት ከአማራ አከባቢ ለመጡት ኢትዮጵያዊያን ችግር ባትፈጥር ይሻላል:: ምናልባት ወደ አማራ ክልል ልታጏጉዛቸው አውቶቢስ ይዘህ መጥተህ ከሆነ እነሱን ተዋቸው እነሱ እዚህ ከመጠን በላይ ተመችቷቸዋል:: እነሱ ግን አብንን እንፈልጋለን ይምጣልን ብለው ጥሪ አድርገው ከሆነ እሱ ሌላ ጉዳይ ነው::

ቸር ይግጠመን
ካፋ ሚድያ kaffamedia

Advertisements
Leave a comment

የካፋ አከባቢ ክልልነት ጥያቄ የፋሽን ጉዳይ ወይስ መሰረታዊነት ያለው?


Samuel Tamiru Amade

Samuel Tamiru Amade

Samuel Tamiru Amade

የወቅቱ የክልልነት ጥያቄዎች በተለይም ቀድሞ ደቡብ ተብሎ በሚጠራው የአገራችን አከባቢ መሰረታዊ በሆነ መልኩ በአብዛኛው እየተጠየቀ ያለ ሲሆን ሁሉም አከባቢዎች የየራሳቸው መነሻና ምክንያት እንዳላቸው እውን ነው፡፡ ለነዚህም ጥያቄዎች መንግስት እየሰጠ ያለው ትኩረትና ምላሽ ከህዝቡ ጥያቄ አንፃር ምን ደረጃ ላይ እንዳለና ምን ያህል ህጋዊነትን የተከተለ እንደሆነ ለቀባሪ ማርዳት ነው የሚሆነው፡፡
ከእነዚህ የክልልነት ጥያቄዎች መካከል ዋንኛው ትኩረቴ በካፋ አካባቢ ህዝቦች ክልል የመሆን ጥያቄ ፋይዳዎችንና መሰረታዊ መነሻዎችን ለመዳሰስ ነው፡፡
እንደሚታወቀው በአገራችን ታሪክ ውስጥ በዘመነ መሳፍንትና ከዚያም በመከተል የተፈጠሩ መንግስታት ያሳለፏቸው ታሪኮች ናቸው፡፡ በእነዚህ የታሪክ ዳራዎች በዋናነት አንዲት ኢትዮጵያን ለመመስረት ጥረቶች የተደረጉበትና እያንዳንዱ ንጉስ ለቀጣዩ ተተኪ በኢትዮጵያ አንድነት ዙሪያ የዱላ ቅብብል እያደረጉ የመጡ መሆኑን ያሳያል፡፡ በተለይም ታላቋ ኢትዮጵያን በመመስረት ሂደት የመጨረሻው ንጉስ አፄ ሚኒሊክ 2ኛ እንደሆኑ ታሪክ የሚያስረዳ ሲሆን በዚህ ሂደት ውስጥም መጨረሻ ላይ ታላቋ ኢትዮጵያን የተቀላቀለችው አገር ካፋ እንዲሁም ንግሱ ንጉስ ጪኒቶ ጋሊቶ ነው፡፡ የታሪክ መዛግብትም እንደሚያስረዱት የመጨረሻው የአንዲት ኢትዮጵያ ምስረታ ከፍተኛ የሆነ ትግል የተደረገበትና የኃይል ሚዛን ልዩነት እንዲፈጠር የአድዋን ጦርነት ጨምሮ በርካታ አጋጣሚዎች የተፈጠሩና የወቅቱ የኢትዮጵያ ንጉስ አፄ ሚኒሊክ 2ኛ አቅማቸውን አጠናክረው ካፋን በመውረር በመጨረሻ ታላቋ እትዮጵያን መመስረት ችለዋል፡፡ ከዚህም በላይ የታሪክ አዋቂዎች መጨመር ይችላሉ፡፡
ከክልል ጥያቄዎች አንፃር የካፋ አከባቢ ቀድሞ በዘመነ መሳፍንት ሂደት ውስጥ አገር የነበረና ለዘመናዊው የኢትዮጵያ መንግስት አወቃቀር መነሻ የሚሆን አደረጃጀት የነበረው በመሆኑ፣ ከዚያም በኋላ በነበሩ አደረጃጀቶች (ቅድመ 1987) ጠቅላይ ግዛት፣ ክፍለ ሀገርና ራስ ገዝ በመባል ተጠሪነቱ ለፌደራል መንግስት እንደነበርና ራሱን በራሱ ሲያስተዳድር የነበረ አከባቢ ነበር፡፡ ነገር ግን አቅጣጫን እንጂ ታሪካዊ ዳራን መሰረት ያላደረገው የኢህአዴግ አደረጃጀት ወደ ደቡብ ክልል ፈቃደኝነትንና ታሪክን ሳያገናዝብ መጠርነፉ በረካታ ተግዳሮቶችንና አለመግባባትን መፍጠሩ የቅርብ ጊዜ ትውስታችን ነው፡፡ ስለሆነም ዋናው መሪ ህዝብ ነውና የህዝብ ጥያቄዎች ምላሽ ሊሰጣቸው ይገባል፡፡
ከታሪካዊ ዳራው በተጨማሪ የካፋ አከባቢ ከመላው የኢትዮጵያ አካባቢዎች በጋራ መኖርንና ማህበራዊ ትስስርን መሰረት አድረገው ለመኖር የሚመጡ ዜጎችን ቤታቸውን፣ ሀብታቸውንና ሌሎች ያሏቸውን ሁሉ በማካፈል አብሮ ለመኖር ዝግጁ የሆኑ ናቸው፡፡ ካፋ ቤት የእግዜር ነው ብሎ በምንም መንገድ ባይተዋርነት እንዳይሰማው በማድረግ የሚያኖር ህዝብ ያለበት ነው፡፡ ህዝቡም ባለው አደረጃጀት የመልካም አስተዳደርና የልማት ጥያቄዎችንና እንቅስቃሴዎችን ለመጠየቅና ለመተግበር እጅግ ረዥም የሆነ ጉዞና የሀብት ብክነት የሚስከትልባቸው መሆኑ እሙን ነው፡፡ አሁንም የክልልነት ጥያቄው ከማህበራዊ ፋይዳው አንፃር በአከባቢው የሚኖሩ ሁሉም ዜጎች ደግፈውትና አምነው የሚንቀሳቀሱበት በመሆኑ የሁሉም ነዋሪዎች ጥያቄ ነው፡፡
እንደሚታወቀው ከታሪካዊ ዳራ፣ ከማህበራዊ ትስስርና ከፈቃደኝነት ውጭ የተዋቀረው የደቡቡ ክልል ለካፋ አካባቢ ያበረከተው ኢኮኖሚያዊ አስተዋፅኦ ማየት ያስፈልጋል፡፡ እንደሚታወቀው የአንድ አከባቢ ኢኮኖሚ ከሚመሰረትባቸው መሰረታዊ ጉዳዮች መካከል ለከተሞችና ለንግድ ማዕከሎች ያለቸው ቅርበት ተጠቃሽ ነው፡፡ የመንግስት መዋቅራዊ ሀብቶችና እንቅስቃሴዎችም በዋናነት የኢኮኖሚው መዘውር ከሚባሉ አቅሞች መካከል የሚጠቀሱ ናቸው፡፡ የደቡቡ ክልል መቀመጫ ከካፋ አከባቢ በከፍተኛ ደረጃ የሚርቅ በመሆኑና ትኩረት በየደረጃው ያልተሰጠው በመሆኑ የአከባቢው ኢኮኖሚ እንዲቀዛቀዝ የራሱ አስተዋፅኦ አለው፡፡ ስለሆነም አስተዳደራዊው አደረጃጀትን ለነዋሪዎች ቅርብ በማድረግ ኢኮኖሚው እንዲነቃቃ የበኩሉን አስተዋፅኦ ማበርከትና ጥብቅ ክትትል ማድረግ አለበት፡፡ ነገር ግን ለኢኮኖሚው መነቃቃትና ለልማቱ ትልቅ አስተዋፅኦ የሚኖረው የአከባቢውን ሀብት በተገቢው መጠቀም አለበት፡፡

ታዲያ የካፋ አካባቢ የክልልነት ጥያቄ ምኑ ላይ ነው ፋሽንነቱ? ምኑስ ላይ ነው የሌላውን አካባቢ ጥያቄ መነሻ አድርጎ የተጠየቀው?

ነገር ግን የክልልነት ጥያቄው ከኢኮኖሚያዊ፣ ማህበራዊና ፖለቲካዊ ፋይዳው አንፃር የተጠየቀና ለአገራዊው እድገት ከአሁኑ በተሻለ መንገድ ለማበርከት እንዲቻልና እየተስተዋለ ያለውን የሀብት ብክነት በተገቢው ለመቆጣጠር የሚያስችል ነው፡፡ ይህም አገራችን እየተከተለች ያለውን የአንድነት እንቅስቃሴ የሚያጠናክር አደረጃጀት መሆኑ ሊታወቅ ይገባል፡፡

ታሪካዊ፣ ኢኮኖሚያዊ፣ ማህበራዊ ካስፈለገም ፖለቲካዊ ዳራውን ማየት ያስፈልጋል!!!!

Leave a comment

የካፋ ጉርማሾ ፓርቲውን እንድቀላቀል ደምኢህሕ ጥሪ አቀረበ


38023561_282102385890705_1514103197361242112_n

ደምኢህሕ ጥሪውን ያስተላለፈው በቀን 15/07/2011 በሻተራሻ ገሮ አደራሽ ከቦንጋ ነዋሪዎች ጋር ባደረገው ውይይት ላይ ነው ።
ደቡብ ምዕራብ ኢትዮጵያ ህዝቦች ህብረት ከ4አመት በፊት በሀገሬ አሜሪካ ተመስርቶ በቅርቡ መንግስት ባስተላለፈው ጥሪ መሠረት ሀገር ቤት ገብቶ ባለፈው ህዳር ወር ላይ በሚዛን ከተማ የምስረታ ጉባኤ አካሄዷል።
ይህን ተከትሎ ደምኢህሕ በሀገርቱ በምርጫ ቦርድ እውቅና ከተሠጣቸው 107 ለፓርቲዎች አንዱ ሆኗል ።

የደምኢህሕ ማዕከላዊ ኮሚቴ ዋና አስተባባሪ አቶ በርባናስ ኮምታ በወቅታዊና በተያያዥ ጉዳዮች ለነዋሪዎች ባሠሙት ንግግር የካፋ ጉርማሾ ታሪካዊ ማንነቱንና የአከባቢውን ተጠቃሚነት ለማስከበር እያከናወነ ያለውን ተግባራት ደምኢህሕ ያደንቃል ብለዋል ።
የካፋ ጉርማሾ ከቡና መገኛ ማንነት ጋር ተያይዞ የተነሳውን ህዝባዊ አመጽ ለተከታታይ አምስት ቀን ስካሄድ በሰው ህይወትና ንብረት ላይ አንዳች ጉዳት ሳያደርስ መጠናቀቁ ምስጥር ከወጣቶቹ አስተዋይነትና ብልህነት የመነጨ ነው ብለዋል ።
በቅርቡ ቴፒ አከባቢ የተፈናቀሉ ወገኖች ጉርማሾ ያደረጉት ሰበአዊ እርዳታን ይህም የጉርማሾ ጥንካሬ መሆኑን ደምኢህሕ ተረድቷል። ።
ለዚህ ሁሉ በድርጅቱ ስም አቶ በርናባስ ምስጋናና አቀርቧል ።
ጉርማሾ ከዚህም በላይ የማድረግ አቅሙም ሆነ ብቃቱ ጉርማሾ እንዳለው ደምኢህሕ ጠንቅቆ ያውቃል ያሉት አስተባባሪው ጉሪማሾ ፓርቲውን እንድደግፉ ጠይቋል ።
ነዋሪውም ሆነ ጉርማሾ ፓሪቲውን ተቀላቅሎ ሠላማዊ ትግል በማድረግ አከባቢውን ተጠቃሚ እንድያደርግ ጥሪ አቅርበዋል ።
የፓርቲው ምክትል አስተባባሪ መምህርት ተዋበች ተክሌ በበኩላችው ፓርቲው በደቡብ ምዕራብ ኢትዮጵያ የሚገኙ ሁሉም ብሔረሠቦችን በማቀፍ በኢትያዊነት ላይ ጠንክሮ ይሰራል ብለዋል ።
የሴቶችና የወጣቶች ተሳትፎ የፓርቲው ትኩረት ነው ብለዋል ።
ይንን ለማድረግ ደምኢህሕ በቦንጋ ከተማ ቢሮ ከፍቶ በህጋዊ መንገድ የአባላት ምዝገባ መጀመሩን አስታውቀዋል ።
የአከባቢው ጉዳይ ይመለከተኛል የሚል ሁሉ ቀርቦ አባል በመሆን ትግሉን መቀላቀል ይችላሉ ብለዋል ።

የፓርቲዉ ማዕከላዊው ኮሚቴ አባል የሆኑት መምህር ክፍሌ መሸሻ ለታዳሚዎቹ እንደገለጹት ደምኢህሕ የይምሰል ወይም የፌክ ኢትዮጽያዊነትን ያወግዛል ብለዋል ።

የአከባቢው ተጠቃሚነት ኢትዮጵያዊነትን የሚቃረን አይደለም ብለዋል ።በፓርቲው ዋና ጸሀፊና የአከባቢው እውቁ የሰብአዊዊ መብት ተማጋች በሚል በብዙዎች የሚሞካሸው ወጣት መልካሙ ሺገቶ የፓርቲዉን የአስካሁን ሂደት ለታዳሚዎቹ አብራርተዋል።

ከታዳሚቹም ማዳበሪያ አስተያየትና ጥያቄዎች ተነስቶ ሰፊ ዉይይት ተደርጎባቸዋል።
ስመ ጥሩዎቹ የጉርማሾ አስተባባሪዎችና ሌሎችም ታዳሚ ነበሩ።
በሀገረ አሜሪካ ለስድስትሆነው ደምኢህህን ከመሰረቱት አንጋፋዋ ወይዘሮ ፋንታዬ ገብሬ ለወጣቶቹ ምክር አዘል የትግል አቅጣጫ አመላክተዋል።
እኛ እዚህ አድርሰናል በቀሪውም ከጎናችሁ ነን ጨዋታዉ በግብ የሚጠናቀቀዉ በእናንተ ብርታት ነው በማለት ወጣቱን አስደምመዋል።
ብዙዎች የወይዘሮዋን መልእክት በቁጭት እንደተረዱት ዘጋቢዎቹ እኝስ ልንገነዘብ ችለናል።
በስተመጨረሻም በአዲስ አበባ የደምኢህህ አስተባባሪ አቶ ታደሰ ተፈራ ለቀጣይ ትግል ጠቃሚ ግብአቶችን ከውይይቱ መገኘቱን አስረድተዋል።
ውይይቱም ባለ አምስት ነጥብ የአቋም መግለጫ በማውጣት ባማረ ሁኔታ ተጠናቋል ከስር ይቀርባል።
1. የካፋ ህዝብ ለዘመናት ሲጠይቀው የነበረው ራስን በራስ የማስተዳደር መብት መገለጫ የሆነው ክልል የመሆን ጥያቄ ህገ መንግስታዊ በመሆኑ ያለ ምንም ቅድሜ ሁኔታ ተፈጻሚ እንድሆን እንጠይቃለን ።

2.በተለያዩ የሀገሪቱና በክልሉ እየተካሄደ ያለው መፈናቀልንና ዘርን መሠረት ያደረገ ጥቃት ቆሞ ህግና ስርአት እንድከበርና በተለይ በቴፒና ማሻ ላይ የተፈናቀሉት ወገኖቻችን ልክ እንደ ሌላው ኢትጽያዊያን ሰባዊ ዲጋፍና ትኩረት መንግስት እንድሰጣቸው ደምኢሕህ ጠይቋል ።
3 .እኛ የካፋና አከባቢዋ ህዝቦች ከነግስታት የስልጣን ዘመን ጀምሮ ወደ ጎን በመገፋታችን ከሀገርቱ ኢኮኖሚም ሆነ ፖለትካዊ ተሳትፎ ሳንወከል ሳንጠቀም ዛሬ ድረስ ቆይተናል ።በዚህም ምክንያት በልማት ኃላ ቀርተናል ስለሆነም መንግስት የረጅም ዘመን በደል አድሎና ጭቆናን ታሳቢ ባደረገ መልኩ እንደ ህዝብ የምንጠቀምበትንና ፍትሀዊ የሀብት ክፍፍል ለማምጣት የሚረዱ እርምጃዎችን በመውስድ እንደ እርምጃዎች በመውሰድ እንደ መሬትና የተፈጥሮ ሀብት ላይ ያለ አንዳች አስተዋጽኦና የሚመዘብሩ እርምጃ እንድወስድና ማስተካከያ እንዲያደርግ እንጠይቃለን።

4.በደቡብ ክልል ከላይ እስከ ታች ድረስ ድረስ ለውጡን የሚመጥኑ ብቃት ያላቸውን አመራሮችን በመመደብ ከተላላኪነት ወደ ተሳታፊነትና በመሻገር ህዝባችንን እንድክስ እንጠይቃለን ።

5.አለም አቀፍ ቅርስ አካል የሆነው አሬንጓደው ወርቅ ቡና መገኛው ደቡብ ምዕራብ ኢትዮጵያ ካፋ ማኪራ መሆኑ በአለም አቀፍ ተቋማት ሳይቀር በመታመኑ መንግስት ብሔራዊ የቡና ሙዝዬም በቦንጋ ከተማ መገንባቱ ይታወሳል ።ይሁንና በጊዜ ሂደት ስልጣን ላይ የሚወጡ አካላት ይህንን ብሔራዊና አለም አቀፍ የሆነውን እውነት ለማደብዘዝ ጥረት እያደረጉ ይገኛሉ በመሆኑም መንግስት ቡና የተገኘው ካፋ መሆኑን በማስረገጥ ለመገለጫው የተገነባው ሙዝዪም በአስችኳይ ስራ እንድጀምር እንጠይቃለን።

Leave a comment

የደቡብ_ምዕራብ_ኢትዮጵያ_ህዝቦች_ህብረት(ደምኢህሕ) የመጀመሪያው ስብሰባውን በቦንጋ ከተማ ከደጋፊዎቹና ከአባላት ጋር ሰፊና ገንቢ ዉይይቶች ያደረገ ሲሆን በቀጣይ በሚዛን ማሻ ቴፒ ሜጢ አመያ ማጂ ዲማ የም ዋቻ ሺሾእንዴ ተርጫ በተጨማሪም ጎሬና መቱ በሚገኙ አባላቶቹ ጋር እንደወያይ አሳውቋል ። 


38023561_282102385890705_1514103197361242112_n

#የደቡብ_ምዕራብ_ኢትዮጵያ_ህዝቦች_ህብረት በምድረ አሜርካ የወገን ተቆርቃሪና ሀገር ወዳድ በሆኑ በአከባቢው ተወላጆች የተመሠረተ ህብረት ሲሆን መንግስት በውጭ የሚገኙ የፖለቲካ ፓርቲዎች ወደ ሀገር መተው በሰላማዊ መንገድ መስራት እንደምችሉ በተደረገው ጥሪ መሠረት #ደምኢህሕ ከምርጫ ቦርድ ህጋዊ ሠውነት በማግኝት በቤንች በማጂ በሸካ በካፋ እና በደቡብ ምዕራብ በሚገኙ አከባቢዎች የሚንቀሳቀስና በአከባቢው ተወላጆች የተመሠረት የህዝብ ድርጅት ነው የመጀመሪያው ስብሰባውን በቦንጋ ከተማ ከደጋፊዎቹና ከአባላት ጋር ሰፊና ገንቢ ዉይይቶች ያደረገ ሲሆን በቀጣይ በሚዛን ማሻ ቴፒ ሜጢ አመያ ማጂ ዲማ የም ዋቻ ሺሾእንዴ ተርጫ በተጨማሪም ጎሬና መቱ በሚገኙ አባላቶቹ ጋር እንደወያይ አሳውቋል ። 
በዛሬው የቦንጋ ውይይት ላይ ባለ 5 ነጥብ የአቋም መግለጫ በማውጣት በሰለም ውይይቱን አጠናቋል ።
1. የካፋ ህዝብ ለዘመናት ሲጠይቀው የነበረው ራስን በራስ የማስተዳደር መብት መገለጫ የሆነው ክልል የመሆን ጥያቄ ህገ መንግስታዊ በመሆኑ ያለ ምንም ቅድሜ ሁኔታ ተፈጻሚ እንድሆን እንጠይቃለን ።
2.በተለያዩ የሀገሪቱና በክልሉ እየተካሄደ ያለው መፈናቀልንና ዘርን መሠረት ያደረገ ጥቃት ቆሞ ህግና ስርአት እንድከበርና በተለይ በቴፒና ማሻ ላይ የተፈናቀሉት ወገኖቻችን ልክ እንደ ሌላው ኢትጽያዊያን ሰባዊ ዲጋፍና ትኩረት መንግስት እንድሰጣቸው ደምኢሕህ ጠይቋል ።
3 .እኛ የካፋና አከባቢዋ ህዝቦች ከነግስታት የስልጣን ዘመን ጀምሮ ወደ ጎን በመገፋታችን ከሀገርቱ ኢኮኖሚም ሆነ ፖለትካዊ ተሳትፎ ሳንወከል ሳንጠቀም ዛሬ ድረስ ቆይተናል ።በዚህም ምክንያት በልማት ኃላ ቀርተናል ስለሆነም መንግስት የረጅም ዘመን በደል አድሎና ጭቆናን ታሳቢ ባደረገ መልኩ እንደ ህዝብ የምንጠቀምበትንና ፍትሀዊ የሀብት ክፍፍል ለማምጣት የሚረዱ እርምጃዎችን በመውስድ እንደ እርምጃዎች በመውሰድ እንደ መሬትና የተፈጥሮ ሀብት ላይ ያለ አንዳች አስተዋጽኦና የሚመዘብሩ እርምጃ እንድወስድና ማስተካከያ እንዲያደርግ ጠይቋል
4.በደቡብ ክልል ከላይ እስከ ታች ድረስ ድረስ ለውጡን የሚመጥኑ ብቃት ያላቸውን አመራሮችን በመመደብ ከተላላኪነት ወደ ተሳታፊነትና በመሻገር ህዝባችንን እንድክስ እንጠይቃለን ።
5.አለም አቀፍ ቅርስ አካል የሆነው አሬንጓደው ወርቅ ቡና መገኛው ደቡብ ምዕራብ ኢትዮጵያ ካፋ ማኪራ መሆኑ በአለም አቀፍ ተቋማት ሳይቀር በመታመኑ መንግስት ብሔራዊ የቡና ሙዝዬም በቦንጋ ከተማ መገንባቱ ይታወሳል ።ይሁንና በጊዜ ሂደት ስልጣን ላይ የሚወጡ አካላት ይህንን ብሔራዊና አለም አቀፍ የሆነውን እውነት ለማደብዘዝ ጥረት እያደረጉ ይገኛሉ በመሆኑም መንግስት ቡና የተገኘው ካፋ መሆኑን በማስረገጥ ለመገለጫው የተገነባው ሙዝዪም በአስችኳይ ስራ እንድጀምር ጠይቋል ።

Leave a comment

ታላቅ የስብሰባ ጥሪ


38023561_282102385890705_1514103197361242112_n

በቅርቡ በምርጫ ቦርድ ተመዝግቦ ሕጋዊ እውቅናን ያገኘው ደምኢህህ በቦንጋ ከተማ ሻተራሻ ጋሮ ገብሬ አዳራሽ እሁድ ከጧቱ 3 ሰዓት ጀምሮ ሕዝብዊ ስብሰባ ያካህዳል::

በዚሁ ስብሰባ ስለ ድርጅቱ ዓላማና አቋም ገለፃ የሚደረግና እንዲሁም አሁን ስላለንበት የሃገራችንና ብሎም ስለ አከባቢያችን ሁኔታ ባጠቃላይ ውይይት ይደርጋል:: በአከባቢው ያሉት የሚድያ ተቋማትም ስብሰባውን እንደሚዘግቡ ታውቋል::

ስለዚህ ማንኛውም የአከባቢው ነዋሪ ለሃገርና ለአከባቢው ተቆርቋሪ በዚሁ ስብሰባ ላይ በመገኘት ሃሳቡን በማካፈል ሆነ ድርጅቱን በመደገፍ የዜግነት ግዴታውን እንዲወጣ ደምኢህህ በታላቅ አክብሮት ጥሪ ያደርጋል::

አንድ ሆኖ መደራጀት እማራጭ የሌለውና ጊዜ የማይሰጠው ጉዳይ ነው:: የእኛ መደረጀትና ጠንክሮ መገኘት ለሃገራችን ኢትዮጵያ ትልቅ ጉልበት ነው::

ለስብሰባው እንዳትቀሩ!!!
ደምኢህህ

Leave a comment

የኢኮኖሚያዊ እና ፖለቲካዊ በደሎችን ለአንዴና ለመጨረሻ ግዜ ለማስቀረት


Menwuyelet Melaku

Menwuyelet Melaku

ኑሯቸውን በአሜሪካ ያደረጉትና የሕዝባቸው መበደል ያንገበገባቸው የደቡብ ምዕራብ ፈርጦች አቶ ተስፋዬ ወ/ሚካኤል፡ ዶ/ር አቻሜ ሻና፡ አቶ ጎዲ ባይከዳኝ፡ አቶ ብርሀኑ ወ/ሰንበት፡ ወ/ሮ ፋንታዬ ገብሬ፡ አቶ አማኑኤል ካርሎ፡ አቶ ያሮን ቆጭቶ የዛሬ አራት ዓመት ገደማ በሰሜን አሜሪካ ያቋቋሙት የደቡብ ምዕራብ ኢትዮጵያ ሕዝብ ሕብረት (ደምኢሕሕ) በኢትዮጵያ ምርጫ ቦርድ አስፈላጊ ፎርማሊቲዎችን በሟሟላት ተመዝግቧል፡፡
ዋነኛው መሠረቱን በካፋ፡ ሸካ፡ ቤንች ማጅ ውስጥ ያደረገው ይህ ፓርቲ የተቋቋመበት ዋንኛው ዓላማ የቀጠናው ሕዝብ ላለፉት በርካታ ዓመታት የደረሰበት የኢኮኖሚያዊ እና ፖለቲካዊ በደሎችን ለአንዴና ለመጨረሻ ግዜ ለማስቀረትና ሕዝቡ ሁለንተናዊ ተጠቃሚነቱ እንዲረጋገጥ ነው፡፡
የምርጫ ቦርድ ምዝገባውን የጨረሰው ይሄው ፓርቲ ለመጭው የሰኔ 2012 ሀገራዊ ምርጫ ዝግጂቱን ጀምሯል፡፡ ለዚሁ ይረዳው ዘንድ አጠቃላይ የፓርቲውን ምንነትና የተመሠረተበት ዓላማ ብሎም ቀጣይ አቅጣጫ ለቀጠናው ሕዝብ አቅርቦ ማወያየት ይፈልጋል፡፡ በዚህም መሠረት እሁድ መጋቢት 15/2011 ከጠዋቱ ሦስት ሰዓት ጀምሮ በሻተራሻ ገሮ ገብሬ አዳራሽ እንድትገኙለት ጥሪውን ያስተላልፋል፡፡ ያጣነው ስለ እኛ በአደባባይ የሚሞግት አካል ነውና በነቂስ መጥተን በውይይቱ እንሳተፍ፡፡ የካፋ ጉርማሾ የጀመረው ትግል በሌሎች መሠል ማህበራትና ፓርቲዎች ተጠናክሮ ይቀጥላል፡፡

ጊዜው አሁን ነው!

Leave a comment

“Majority rule, minority right” የሚባል ነገር አለ፡፡ !!


Menwuyelet Melaku

Menwuyelet Melaku

By: Menwuyelet Melaku

ኢትዮጵያ ውስጥ አሁን ያስቸገረው ጉዳይ ቢኖር ሕገወጥነት ፡ አለመደማመጥ፡ የሕግ የበላይነት ያለመከበር፡ ሰብአዊነትን ማጣት የመሳሰሉት ናቸው፡፡
በይበልጥ እየጎዱን ያሉት ያለመደማመጥ /በራስ መንገድ ማድመጥ/ እና የሕግ የበላይነት መታጣት ሲሆኑ እነዚህ ኩነቶች በይበልጥ እየተስተዋሉ የሚገኙት ልሂቃን ተብለው በሚፈረጁና ከተሜ በሆኑት መሆኑ ሁኔታውን እንዲከፋ ያደርጉታል፡፡
ማንኛውም አካል በሰከነና ሕግን በጠበቀ መልኩ ጥያቄዎችን መጠየቅ ይችላል፡፡ ጥያቄዎቹ ተገቢም ይሁን ተገቢ ላይሆኑ ይችላሉ ግን መልስ የሚያገኙት በሀገሪቱ ብሎም በአለም አቀፍ ሕግጋት መሠረት ነውና ምላሹ ምንም ይሁን ምን ሕጋዊ እስከሆነ ድረስ የመቀበል ግዴታ በጠያቂውም ሆነ በሌላው የሚመለከተው አካል ዘንድ ይኖራል፡፡
ምላሾች መቼም ቢሆን ሁለትና ከዛ በላይ የሆኑ አካላትን አስደስተው አያውቁም እንዲያስደስቱም አይጠበቅም፡፡ ሽንፈትን በፀጋ መቀበል ከአንድ የሰለጠነ ማህበረሰብ የሚጠበቅ ይሆናል፡፡
አንድ ሕገወጥ ተግባርን ለመመከት ሌላ ሕገወጥ አካሄድን መጠቀም ማለት ከእጅ አይሻል ዶማነትን ያስከትላል፡፡ ሕገወጥ ተግባር በሕጋዊ አካሄድ ብቻ ነው ሊስተካከል የሚገባው፡፡ የብሽሽቅ ፖለቲካ ለማናችንም አይበጅም፡፡ ለኢትዮጵያ ካሰብን ሰከን ማለት ይበጀናል፡፡
ሌላውና አስቸጋሪው ጉዳይ የሚሆነው መንግስት ሕግን ለማስከበር ያለው ቁርጠኝነት የደከመ መሆኑ ነው፡፡ በተገቢው ቦታና ጊዜ ሕግን ማስከበር የግድ አስፈላጊ ነው ልጅ እንኳን ሲያጠፋ ካልተቀጣ ጥፋቱ ትክክለኛ ተግባር እየመሠለው ደጋግሞ ያጠፋል፡፡ ወይም አንድ የዕግር ኳስ ዳኛ ጥፋቶች ሲፈጠሩ በቃል ተግሳፅ በቢጫና ቀይ የማይቀጣ ከሆነ ከዚህም ከዚያም ወገን ጥፋቶች እየተፈፀሙ ጨዋታው በአግባቡ እንዳይሄድ ያደርጋል፡፡ ይባስ ብሎም የተጨዋቾቹ ተግባር ወደ ደጋፊው ተዛውሮ መላው ስታዲየም ይበጠበጣል፡፡
አንድ መንግስት ዴሞክራሲያዊ የሚያሰኘው የራሱ የሆኑ የተለዩ ባህርያት አሉ፡፡ ሕግን አለማስከበር ግን በፍፁም የዴሞክራሲያዊ መንግስት መገለጫ ሊሆን አይችልም፡፡ አይደለምም፡፡ የምንወስደው እርምጃ በሁሉም ቦታዎችና ጊዜያት ተመሣሣይነት ያላቸውና ወጥ ከሆኑ በፍፁም ለትችት መፍራት የለብንም፡፡
ኢትዮጵያ ውስጥ የነበረው ችግር አንድ ግለሰብ ወደ ስልጣን ሲወጣ ዘሩንም አብሮ ይዞ ስለሚወጣ ነው፡፡ በዚህ ረገድ እስካሁንም ሀገራችንን እየበጠበጡ ያሉት በቁጥር በርከት ያሉ ብሄረሰቦች ናቸው በዋነኛነትም ትግሬ፡ አማራና ኦሮሞ ሲሆኑ እነዚህን ለመቀላቀል እየተንደረደረ ያለው ሲዳማም ለኢትዮጵያ ቀጣይ ስጋት ይሆናል፡፡
አነዚህ ብሄሮች ኢትዮጵያን ተፈራርቀው መርተዋል እየመሩም ነው፡፡ በአንዳቸውም ግዜ ግን ኢትዮጵያ ከድህነት አረንቋ ወጥታ አታቅም፡፡ ይህንን አሳፋሪ ሪከርድ ይዘው የእኔ ዘር ያንተ ዘር ሲሉ ጥቂት አለማፈራቸው በጣም ያሳዝናል፡፡ ሌሎች በቁጥር ያነሱ ብሄረሰቦች ግን ማንም ዞር ብሎ አያያቸውም ድምፃቸውም አይሰማም ነገር ግን በግጭቶች መሀል ሲጎዱ ይስተዋላል፡፡ ወትሮስ የዝሆኖቹ ጥል ጉዳቱ ለሳሩ ነው ይባል የለ?
እስኪ ከተራ መበሻሸቅና የዘር ፖለቲካ ወጥታችሁ ሀገሪቷን ከሌሎች ሀገራት ተርታ አሰልፏት፡፡ ረሀብ ሞት ስደትና መፈናቀልን አስቁሙ የዛኔ ስለእናንተ ዘር ትልቅነት እኛ እንመሠክራለን፡፡
አንድ ነገር ልብ በሉ
ሀገራችንን እግዚአብሔር ይጠብቃት ፡፡ አበቃሁ፡፡

%d bloggers like this: